رأي مفاجئ من ريهام حجاج في "العروس التريند"

وجهت الممثلة ريهام حجاج رسالة إلى منتقدي أمنية طارق وهي العروس التي تحولت إلى "تريند" على السوشيال ميديا بعد انتشار فيديو لها من كتب كتابها.

وانتقدت ريهام حجاج تدخل رواد السوشيال ميديا فى خصوصيات الآخرين، واستهلت حديثها بقولها: "هو ليه الناس علي السوشال ميديا بيستبيحوا سيرة الناس و يسعوا لخراب البيوت؟".

ومضت ريهام حجاج، تقول: "عروسة بتتكلم مع جوزها في وجود عيلتها في كتب الكتاب (سواء الأسلوب عاجبك أو مش عاجبك) انت ليه اصلا تقول رأيك السلبي إللي ممكن يخرب بيتهم وتنشره علي انها بتهزأه وتحول فرحتهم لكابوس وممكن يكون في أحتمال نص في المية أن مش قصدها أو دي طريقتها في الكلام و اكيد هو عارف و بيتجوزها و حاببها زي ما هي؟!".

وأضافت ريهام حجاج: "تعرف ظروفهم منين؟ مواقفهم؟ عدوا بإيه سوي في الخطوبة!! إيه إللي خلاها تقول كدا اصلا!!  دخليات الناس ماحدش يعرفها.. بتشيلوا ذنوب و الله دا إللي ربنا قال عليه في القرآن الكريم من يفرق بين المرء وزوجه أتقوا الله".

وأنهت ريهام حجاج حديثها، قائلة: "افهموا الفرق بين حرية الرأي والأذية.. افهموا الفرق بين اللي ممكن نتكلم فيه واللي مالوش لازمة التدخل فيه من الأساس.. ستحاسبوا أمام الله علي كل دا".

وكانت العروس أمنية طارق قد تحولت إلى "تريند" بعدما نشرت فيديو من كتب كتابها، وهي تنظر إلى زوجها وتوجه له بعض النصائح، بقولها: "هطلب منك طلب، زي ماهشيل أهلك في عيني، تشيل أهلي في عينك الصغير قبل الكبير، ومع احترامي للكل أمي ثم أمي ثم أمي، مش هسيب أهلي بالساهل"، وهو ما أثار الكثير من الجدل.