ماذا قال شريف منير عن ظهور ابنته حليقة الرأس؟

رد الممثل شريف منير على الجدل الذي أحدثته ابنته أسما، بعد حلقها شعرها كاملا.

وأبدى شريف منير إعجابه بتصرفات ابنته، وإطلالتها الجديدة، وقال في فيديو شاركه عبر حسابه على "إنستجرام": "إيه الضجة والدوشة إللي عاملينها دي، كل ده علشان بنتي قصت شعرها قدام الكاميرا، إيه الغلط إللي عملته، تصرف عادي جدًا مفهوش أي حاجة".

 

 

وشدد شريف منير على أنه لن يقف في وجه ابنته لإرضاء من حوله: "اوعوا تفتكروا إنه أنا ممكن آجي على بنتي علشان خاطر أكسب رضاكم، دي بنتي إللي مليش غيرها وإللي بحبها، وبالمناسبة اللوك عاجبني، وأنا مبسوط منها أوي".

وتابع شريف منير: "قبل الإخوة السادة الملائكة الصالحين، إللي عمّالين يقلّوا أدبهم ويشتموا، ويقولوا بتاخذ تريند وأبوها معرفش يربيها، أنا بنتي متربية كويس جدًا، وبتتصرف باللي هيه حاسة بيه، المهم أنها مش بتؤذي أي أحد، وقبل ما تتكلموا بصّوا على أنفسكم، وأولادكم، وإخواتكم، قبل ما تنتقدوا وتغلطوا".

وأشار إلى أن ابنته حرة في تصرفاتها، وهو لا يرفض ذلك: "ريّحوا أنفسكم، واهدوا شوية، إللي حصل من بنتي مش غلط، وهي حرة في نفسها، وبنتي عندها 36 سنة، وأُم، ومسؤولة عن نفسها، وأنا أب مسؤول إني أحميها، وهي حرة في تصرفاتها".

ووجّه شريف منير خلال الفيديو رسالة دعم لابنته، قائلا: "أسما أنت شكلك زي القمر وكان حلو جدًا، وبرافو عليكِ أنك أخذت التريند، ما تسمعيش كلام حد، وما تهتميش بكلام حد، وأنا مش مهتم بالكلام إللي بيتقال عني أو عليها".

وكانت أسما منير قد أثارت جدلًا واسعًا لدى ظهورها في مقطع فيديو وهي تقوم بحلق شعرها، وردت على الانتقادات بقولها: "طيب اول حاجة شكراً علي كل ردود الفعل، الوحشة و الحلوة كلها، ساعات موقف زي دي بتخلي ناس تشوف ناس تانية عاملين ازاي مجرد انهم بيعبروا عن رأيهم، و شكراً لكل الناس اللي كانت خايفة و قلقانه عليا، ممكن بقي اقولكم الحكاية من وجهة نظري ببساطة".

ومضت أسما تقول: "اولاً الحكاية جت بالصدفة جداً و كان قرار لحظي و انفعالي جداً و مش ندمانه عليه، تاني حاجة انا مش بعمل كده عشان اطلع ترند بس كنت عارفة اني هبقي ترند، في فرق كبير بين عايزه و عارفة، علي فكرة الترند ده نقمه مش حاجة حلوة خالص بس مش هدخل في الجدل ده دلوقتي".

وتابعت: "تالت حاجة انا الحمد لله كويسة و مبسوطة و مش واخدة الخطوة دي بسبب اكتئاب خالص بالعكس، دي صفحة جديدة حلوة مليانه تفاؤل و قوة و ارادة و تحدي و جرأة و شجاعة و كل حاجة ايجابية في الكون، انا فعلاً من فترة كنت بمر بمرحلة صعبة جداً بس كنت في رحلة بقالي شوية بتعافي منها و بقف علي رجلي من الاول و كان اخرها رحلة دهب، فا تاني بالعكس ده مش اكتئاب ده مرحلة انتقاليه مؤمنه اني هحقق فيها حاجات كتير".

وأنهت أسما شريف منير، حديثها، قائلة: "اخر حاجة الجماعة اللي مكبرين الموضوع (ده شعري مش شعرك) حاجة كده بجد اخيرة (انا عاجبني شكلي جداً بصراحة، شكله جامد و مديني ثقه في نفسي جداً) بحبكم اوي بجد".