نص أقوال شاهدة الإثبات الأولي في واقعة قاتلة ابنها بالشرقية

استمعت هيئة محكمة جنايات الزقازيق في محافظة الشرقية، في ثاني جلسات محاكمة الأم المتهمة بقتل ابنها وتقطيع جثته ووضعه داخل دلو وطهي جزء منه وأكله بقرية شلبي التابعة لمركز فاقوس، لأقوال شاهدة الإثبات الأولى وتدعي "زينب" وجاءت تفاصيل الاستجابه كالتالي: 

 

_كيف علمتي بشأن الحجرة التي قامت المتهمة بحفرها داخل المنزل مسرح الجريمة؟ انا ما شفتش حفرة وهي قالت لي عليها أن هي حفرت حفرة في البيت اللي كانت قاعدة فيه الاول والكلام ده حصل من حوالي سنة ونص.

_ هل أوضحت لك المتهمة سبب حفرها لتلك الحفره التي أبلغتك بها؟

ايوه.

_ ولماذا أقرت لك بتلك الحفره؟

هي قالت لي حفرتها علشان انام فيها أنا وسعد وتردمي علينا بالتراب وانا استفسرت منها عن سبب ذلك هي قالت لي احنا هنموت وهنصحى تاني.

_ متى حدث ذلك الكلام ده؟

من سنة ونص.

_ هل طلبت منك المتهمة هذا المطلب بعد ارتكاب واقعه قتل المتهمة؟

لا.

_ ما هي طبيعة تعامل المتهمة مع الناس؟

هي كانت مش طبيعية كانت في حالها ما بتكلمش حد ولا بتتكلم مع حد مع نفسها ولما كان بيحصل لها حاجة كانت بتجري ورا العيال في الشارع وانا بقول ان هي كانت قاعدة في بيت مهجور وما كانش في نور ويمكن عملت كده علشان كده.

_ ما هي طبيعه تعاملها مع ابنها؟

هي كانت كويسة في كافة شيء وتخاف عليه ولكن كان بيجي لها حالة نفسية تصرخ وتصوت وتعامل ابنها وكل الناس وحش.

_ هل شاهدتيها حال تعدي المتهمة على ابنها؟

ايوه أحيانا.

_ما نوع الضرب التي كانت تتعدى به المتهمة على المجني عليه؟

هي كانت بتضربه جامد بصورة غير طبيعية لحد لما حد يحوشها عنه.

_ هل المتهمة كانت بتصرخ دايما بغير سبب؟

كانت بتصرخ كثير وكان قبل الواقعة كانت قاعده قدام البيت وبتصرخ ولما سألتها بتصرخ ليه هي قالت إن في نسوان بتضربني.

-هل شاهدت هؤلاء النسوة حال تعديهم عليها؟

أيوه أنا سألتها قالت انت مش هتشوفيهم.

_ هل معروف بين جيران المتهمه أنها مختلة عقليا؟

إحنا نعرفها أنها عندها ضغط نفسي جامد بسبب اللي حصل لها وأنها قاعدة في مكان مهجور وبسبب طلاقها من زوجها وما هو مكان ذلك المنزل المهجور هو داخل السكن.

_صفي لنا ذلك المسكن من الداخل؟

منزل حوالي 150 مترا مهجور بيت فلاحي قديم وما فيهوش غير لمبة واحدة.

_ هل تعلمي سبب خلافها مع محمد زوجها؟

اللي انا عرفته ان هو كان بيضربها وكانت عايزة القايمة بتاعتها ورفعت دعوى خلع على زوجها لانهم مش كانوا متفقين مع بعض وده سبب زعلها وأنها ما خدتش عفشها.

_لماذا انت تحديدا طلبت منك ان تردمي عليها الحفرة؟

لانني اقرب واحدة لها في السكن وفي وش بعض وهي قالت لي ان هي قالت لي واحدة قبلي علي الحفرة.

_ هل حددت لك اسم تلك السيده؟

هي قالت لي أنها جارتها في الذرة وانا عرفت انها بتقول اي كلام.

_ لماذا طلبت منك رقم محامي يطلقها من زوجها زي ما انت اطلقتي؟

هي سألتني علشان عارفة أني طلقت قبل كده وسألت على رقم المحامي لانه راح من على التليفون.

_ هل كنت تتوقعين قيام هناء بقتل ابنها بهذا الشكل؟

أنا ما توقعتش أنها تقتل ابنها بس اللي كنت اتوقعه انها تقتل نفسها لكن ابنها لا.

_ ما قولك بما قرره كامل الشهود بأن هناء بكامل قواها العقلية بما فيهم أهلها جميعا وطليقها ولماذا أنت تحديدا تقولين انها غير سوية؟

المتهمة تقاطع الشاهدة بقولها: انا سليمة.

لماذا قتلت ابنك معمول لها عمل للوحدة قريبتها هدية محمد محمد أنا قلت إن انا شايفة عشان هي باردة.

_ ما تعليقك بما قررت المتهمه قيام إحدي السيدات بعمل أعمال لها وهو السبب في القتل؟ ده تهيؤات والكلام ده مش حقيقي.

_ لماذا تدعين ذلك وأن الست هدية جارتها بتقرا قرآن بصوت عالي؟ هناء تسمع القرآن تصوت وتصرخ وتعيط.

_ هل شهادتي واقعة قراءة القرآن؟

لا انا سمعت الكلام ده.

هل يعلم اي أحد من أهل متهمة بالتصرفات كلها؟

عارفة ولكن أنا اتكلمت مع والدتها وهي قالت لي إن الكل ما أسالها تقول إنها أعقل من أي حد.

تعود تفاصيل القضية رقم 8619 لسنة 2023 جنايات مركز فاقوس والمقيدة برقم 844 عندما أحالت جهات التحقيق أوراق"هناء م ح 37 عاما مقيمة قرية شلبي التابعة لمركز فاقوس، إلي محكمة جنايات الزقازيق لاتهامها بأنها في يوم 27 إبريل من العام الجاري، قتلت المجني عليه الطفل "سعد م س" ابنها وقطعت جثته إلي 9 أجزاء وطهت جزءا منه وأكلته، وذلك عمدًا مع سبق الإصرار والترصد بأن بيتت النية علي إزهاق روحه.

 

واعترفت المتهمة بقتل ابنها أمام جهات التحقيق حول دوافع القتل لديها قائلة:"عايزة أريّحه وأرتاح.. عايزة أنتقم من أبوه وأرتاح من كل شوية ييجي أبوه عايز ياخده"، وأنها قامت بقتل ابنها باستخدام يد فأس خشبية وسكين وضربه على رأسه 4 ضربات، وهو يستنجد تحت يديها ويتوسل لها أن ترحمه، ثم قامت بذبحه وتقطيع جسده وتشفيته بفصل اللحم عن العظم، داخل الحمام ثم وضعت إناء على النار وبه كمية من المياه ووضعت بها أجزاء من جسده ورأسه وسلختها وعبثت بها حتى أخفت معالمها.

عقب تقنين الإجراءات اللازمة تم ضبط المتهمة وبالعرض علي النيابة أحالتها محبوسة إلي محكمة جنايات الزقازيق.