ريهام سعيد تدعم هاني شاكر ضد مطربي المهرجانات.. لماذا تراجعت عن تأييدهم؟

أبدت الإعلامية ريهام سعيد دعمها لقرار نقيب المهن الموسيقية، الفنان هاني شاكر، القاضي بمنع مطربي المهرجانات من الغناء، الذي أثار جدلاً كبيراً خلال الأيام القليلة الماضية.

 

 

وفي الوقت الذي عارض فيه فنانون قرار نقابة المهن الموسيقية، خرجت ريهام سعيد بموقف مغاير، إذ وجهت رسالة إلى هاني شاكر، قالت فيها: "أمير الغناء العربي أوعى تزعل أنت أكبر من كده بكتير وأوعى تعاتب جاهل". 

 

وتابعت: "مش فاهمين إن لو الإعلام والغنا والتمثيل اتساب من غير رقابة ده هايبوظ الذوق العام، أتمنع ليه فيلم أنجلينا جولي، أتمنع عشان أولادنا ومستقبلهم عشان قيمنا ودينا". 

 

وأضافت سعيد: "على فكرة كنت أول واحدة بدافع عنهم في بداياتهم، موزة وشاكوش وغيرهم بس اللي حصل بعد كده كان مخجل، حتى في ناس من اللي متسابين يغنوا بقوا بيقدموا إسفاف ووجود الراقصه اللي مالهاش دعوة بالفن خالص بلبسها العجيب بقى حاجة ثابتة في الكليبات". 

وتوجهت ريهام سعيد بالحديث إلى هاني شاكر، بقولها: "أستاذ هاني شاكر شكرا إنك بتحافظ على الفن المصري اللي كان فيه أم كلثوم وعبد الحليم حافظ، كان في شكوكو بس كان مونولوجست مابيقولش على نفسه مطرب، ولا بيقول كلام خارج. لو مؤمنين إن في حرية مطلقة يبقى وافقوا على انتشار المخدرات والأفلام الإباحية وغيرها، وقولوا كل واحد حر يختار الطريق اللي يناسبه".

 

وأضافت ريهام سعيد: "أغنية أندال وبنت الجيران كانوا يتسمعوا، اللي حصل بعد كده مهزلة، وعلى فكرة مفيش منع بالكامل، هما ممنًوعين يطلعوا في حفلات، لكن غير كده موجودين على اليوتيوب للأسف".

 

وحول حمو بيكا، قالت: "على فكرة حمو بيكا ممنوع وأنا مفيش حاحة بيني وبينه بالعكس شاكوش أتمنع عشان غلط، لكن مش عشان منجحش في امتحان النقابة، وأنا أكبر من كده بكتير وحقي هاخده بالقانون، أنا مبصفيش حسابات، وواحد في موقف ضعف أنا بنت ناس، أنا ولا حتى شايفة إن عمر كمال كويس، وبيقدم حاجات خارجة".