لهذا السبب تزوجت عايدة رياض من محرم فؤاد رغم فارق السن

كشفت الفنانة عايدة رياض عن أسباب قبولها الزواج من المطرب محرم فؤاد رغم فارق السن بينهما وسرعة الارتباط قائلة: "ساعة ما وافقت عليه كنت في الوقت ده مرتبطة بحد تاني وكان فيه مشاكل تتعلق بإختلاف الأديان فحبيت أغيظه".

 

وواصلت في لقاء متلفز، قائلة: "حبيت أغيظه كان ارتباط وكنت صغيرة وعندي 19 سنة فتزوجته وعملت خطوبة عشان أغيظ بس مشي الموضوع ومعرفتش أفلصفص واستمرت زيجتنا 12 عاماً وهي أطول زيجة له".

 

وأوضحت أن سبب طلاقها أنها رغبت في العودة للعمل قائلة: "وعدني في الاول أني همثل وبعد كده قال لي لا ومش عاوزني أشتغل وأنا مخلفتش وقاعدة في البيت زهقت وأنا واخدة على الحركة وبلعب جومباز وبرقص وفرقة ومسرح.. قعدت بعد الزواج 8 سنوات في البيت وبعدين رجعت الشغل بأعجوبة وبعدين حصل الطلاق لانه خيرني بينه وبين الشغل".

وعن واقعة عودتها للعمل بعد أربع سنوات من زواجها قالت: "قابلنا يونس شلبي بالصدفة في لندن كان بيسلم على محرم فؤاد وقال لهله هعمل فيلم من إنتاجي وأنا قلتله خدني معكم ومش هاخد فلوس.. وبعد رجوعي مصر يونس شلبي كلم محرم وكان محرم بيحبه فوافق عشان يخلص من زني".