بيان عاجل من لاعب الأهلي حسين الشحات.. تعرف على تفاصيله

كتب حسين الشحات، لاعب النادي الأهلي، عبر صفحته الرسمية على موقع التواصل الاجتماعي "فيسبوك"، منشورًا دعا خلاله إلى ضرورة التماس الأعذار لكل من يرتكب خطأ، وضرورة أن يتمتع الناس بصفة التسامح، متطرقًا إلى أزمته مع اللاعب التونسي محمد الشيبي، لاعب بيراميدز، وحادث لاعب الزمالك أحمد فتوح، وعدم ممارسة الضغوط على اللاعب.

..وإلى نص المنشور:-

"بسم الله الرحمن الرحيم"

{واتَّقُوا يَوْمًا تُرْجَعُونَ فِيهِ إِلَى اللهِ ثُمَّ تُوَفَّى كُلُّ نَفْسٍ مَّا كَسَبَتْ وَهُمْ لاَ يُظْلَمُونَ}

أنا عايز أتكلم في موضوع كلنا بقينا بنتكلم فيه بس محدش حساس بحاجة الموت بقااا قريب مننا كلنا وناس كتير بقت تموت من كتر الضغط النفسي، وشوفنا إخونا وصاحبنا أحمد رفعت، ربنا يرحمه يا رب، وشوفنا الأب الروحي الكابتن إيهاب جلال، ربنا يرحمه يا رب.

وأنا كنت من فترة قريبة وقت مشكلتي مع “الشيبي” كان علي ضغوط، ربنا وحده اللي كان عالم بيها، وطلعت واعتذرت، ودلوقتي مش عايزين نوصّل موضوع أخويا أحمد فتوح لكده، ونرجع نقول بعد كده يا ريت كنا خفينا عليه، فتوح غلط، وقال أنا غلطان، مش لازم نتكلم ونقول لا أنت غلطان ونضغط عليه أي راجل، لما بيطلع يعتذر ويقول أنا غلط سامحوني، أولاً دي حاجة كبيره جدًا عند ربنا، والراجل طلع وقال أنا غلطان، وعايز يروح لاهل المتوفى، ربنا يرحمه، يا رب يصبر أهله وأولاده يا رب. مش كل شوية نطلع ونقول حسين أنت شتمت حسين أنت غلط.

نفس الكلام برده “فتوح” مش كل شويه نطلع ونقول: أنت غلطان، ادعي لـ”فتوح” ربنا يهديه ويسامحه، ادعي لحسين، ادعي لأي إنسان بيغلط ربنا يهديه ويسامحه. "كل بني آدم خطاء وخير الخطائين التوابون”.

ربنا يهدينا جميعًا ويسامح الجميع يا رب، الدنيا مش مستاهله. "واتقوا يومًا ترجعون فيه إلى الله ثم توفى كل نفس ما كسبت وهم لا يظلمون". فَمَا ظَنّكُم بِرَبّ العَالمِين. اللهمّ إنّا نظن بك غفران" وعفو". وتوفيق" ونصر" و”ثبات" و”تيسير". وسعادةً ورزقًا. وشفاءً وحُسْنَ خاتمة. وتوبةً نصوح" و”عتق من النار”. “فهْب لنا مزيدًا" من فضلكَ يا واسِع الفضل والعطاء. اللهم فرج كرب المكروبين واقضِ حاجات السائلين، وتب على العصاة والمذنبين من أمة محمد أجمعين يارب العالمين.. “قولوا آمين”.