عمرو عبد العزيز يحكي عن علاقته بعادل إمام وكواليس مشاركته في "مرجان أحمد مرجان"

قال الفنان الشاب عمرو عبد العزيز إن علاقته مع الفنان عادل امام غريبة وطريفة وكنت أقف في شارع الهرم في وقت متأخر، ووجدت سيارة تخرج من شارع جانبي وهناك شخص يلوح لي بيده تعالى، فقلت واحد تايه بيسأل على عنوان أقوله، وذهبت وكانت المفاجأة الزعيم عادل إمام.

وأضاف عمرو خلال لقائه مع الإعلامي دكتور عمرو الليثى ببرنامجه واحد من الناس على شاشة الحياة ، من شدة فرحتي لم أشعر بنفسي وقدمي لم تتحرك، فقال لي الأستاذ عادل إيه اللي موقفك في الشارع دلوقتي فتهتهت في الكلام فقال لي بتقول ايه انت، وبتعمل إيه شغل إيه دلوقتي فقلت له بعمل مسرحية فقال في المسرح الصغير ده فقلت اه، وقال لى انت كويس وأنا هجيبك معايا في دور، بس إوعى يصيبك الغرور أو تتنك علينا، فقلت لا طبعا يا أستاذ وسابني ومشي، ومن هنا كانت البداية الحقيقية في مشواري الفني من خلال فيلم “مرجان أحمد مرجان”.

وتابع عمرو وعندما عدت إلى البيت وجدت أمى بتصلي الفجر، وقولت ليها أنا قابلت أستاذ عادل إمام في الشارع فقالت لي وماله ربنا يهديك أدخل نام بس والصبح نبقى نشوف الموضوع ده وبتتريق عليا، والصبح بحكيلها فقالت لي انت أهبل مين ده اللى وقفلك. وأشار عمرو إلى إنه كان صديقا للأستاذ عزت أبو عوف وكان في مرة عنده في المسرح وفوجئت بالاستاذ عادل داخل علينا من الخضة لم أسلم عليه فقال لي مش أد المقام احنا ولا ايه مش هتسلم على اللى جابونا فقلت ليه لا يا استاذ مقدرش.

فقال لي بعد ما تخلص مشاهدة العرض تعالى عاوزك، وكانت أبطأ ٣ ساعات في حياتي لا ركزت في العرض وعاوزه يخلص علشان أشوف الأستاذ عاوزني في إيه، وقابلني وقالي تعالى عاوزك يوم الثلاثاء في مكتبي تجي لي وحكى لي على فيلم مرجان أحمد مرجان.

عملت بروفتين ترابيزة مع الأستاذ عادل والأستاذ على إدريس، وهما لديهم اهتمام شديد بكل التفاصيل، حتى إن أستاذ عادل في مشهد البيت قالي احنا عاوزين نجري ورا بعض زي توم وجيري، وذاكرت الدور كويس وعملته، والأستاذ عادل زود لي مشهد المستشفى وقالي تدخل تبص على الغرفة وتبصلي وتلف وترجع تاني من غير و لا كلمة، وعمل ردود فعل كويسه، فقال لي مش قولتلك المشهد ده السوكسيه بتاعه عالي، وعملت معاه مسلسل “أستاذ ورئيس قسم”، ضيف شرف مشهدين بناء على طلبه شخصيا لأنه بيحبني.https://fb.watch/hnkR4nqPwV/?mibextid=qC1gEa