أول تعليق من "مربوحة" في "الكبير" عن مقارنتها بدنيا سمير غانم
محمد إسماعيل
أبدت الممثلة رحمة أحمد، صاحبة شخصية "مربوحة" في مسلسل "الكبير أوي 6"، بالغ سعادتها، بعدما تصدرت أبرز المواضيع التي يتم البحث عنها على محرك البحث، جوجل، منذ ظهورها في الحلقتين الرابعة والخامسة من المسلسل.
ربما يعجبك
وقالت رحمة أحمد في منشور عبر حسابها بموقع فيسبوك: "أنا مش عارفة أعبر عن إحساسي بالامتنان.. الحمد لله والشكر لله أي حاجة حلوة حصلت أو اتقالتلي ده كرم كبير اوي من ربنا يمكن اكبر من اللي استحقه.. عاوزة اقول ٣ نقط".
ومضت رحمة أحمد، تقول: "الأولى ان فنانة زي دنيا سمير غانم لا تقارن بحد.. أنا مش حد خالص.. أنا من فانز دنيا سمير غانم.. لان لو اتحطينا في مقارنة من المؤكد اني انا اللي هبقى خسرانة".
وتابعت رحمة أحمد: "الثانية.. بعد توفيق ربنا.. ان فنان زي احمد مكي يدي مساحة لحد يقول حاجة مبتحصلش من اي فنان موجود عالساحة.. الراجل ده عنده اللي يكفيه وزيادة إنه يسيب فنان قدامه يقول وهو سايب ايده.. مهما اتكلمت عنه مش هوفيه حقه فنيا ولا انسانيا".
كما انتقلت بالحديث عن أحمد الجندي مخرج مسلسل الكبير، فقالت عنه: "المبدع أحمد الجندي ميتخيرش عنه.. يسيبك تقول.. ويعليك.. ويركبلك شغل.. وذكي يعرف يطلع ضحك من اي شخصية ويحطها في مكانها الصح".
وتحدثت رحمة عن الفنان أحمد أمين الذي تعتبره مكتشفها فنيا، وقالت: "الثالثة.. ليك انت يا حبيب قلبي.. اخويا الكبير الداعم المستمر بكل الطرق.. صادق في فرحته.. انا مهما حكيت عاللي عملته معايا عشان اوصل اني ابقا في عمل من اهم الاعمال في رمضان مش هكفي فيك كلام.. شكرا أحمد أمين الاخ والفنان والانسان انك دايما جنبي".
وأتمت رحمة، بقولها: "احمد أمين.. احمد مكي.. احمد الجندي.. انتو مكسب لاي فنان ولاي شخص وبشكر ربنا دايما ان ربنا كتبلي اني اعرفكو.. وشكرا لاي حد دعمني حتى لو بكلمة كويسة وبالاخص صلاح الدالي.. فنان هياخد حقه كويس جدا ويستاهل اكتر بحبك يا صلوحة.. شكرا لأي حد وقف جنبي واللي اداني ضهره وربنا لاوريك".
مسلسل الكبير أوي 6 بطولة أحمد مكي، محمد سلام، بيومي فؤاد، هشام إسماعيل، ليلى عز العرب ومن تأليف مصطفى صقر وإخراج أحمد الجندي.
جوجل نيوز
