وفاء عامر عن خسارة المنتخب: "مش معتبراها هزيمة"

علقت الفنانة وفاء عامر على خسارة المنتخب المصري لقب كأس الأمم الإفريقية أمام السنغال فى ركلات الترجيح.

 

وقالت وفاء عامر: "أنا مش  معتبراها إننا هزمنا لأن الأولاد عملوا مجهود غير عادي كانوا بياكلوا النجيلة من الارض والحمل عليهم كان تقيل حاولوا قدر المستطاع".

 

وتابعت وفاء عامر: "أبو جبل عمل اللي عليه وزيادة الراجل كان مصاب وعمل اللي عليه، وعاتبت عامر محمد صلاح قائلة: "أنا بحبه جداً بس مش عارفة ليه ماسرقلناش "جون"  بس برضه كان معرض للكسر بسبب رمي بعض اللاعبين عليه".

 

وأبدت وفاء عامر امتعاضها من التحكيم في البطولة: "صحيح أنا مش لاعبة كرة ولا محللة لكن من وجهة النظري الخاصة بي  أنا شايفة أن التحكيم شهد غياب للعدالة".

 

وطالبت وفاء عامر بتكريم كافة اللاعبين فور وصولهم إلى مصر، قائلة: "لازم يتكرموا لاني شايفاهم بصراحة عملوا فوق الواجب وفيه كذا لاعب  يستحقوا الفخر زي النني وعبد المنعم حتى لو ضيع كرة وهدف".