العربي cool

بقلم : شهد راشد

 

ليه مش بنكلم عربي ؟! يعني لو في مطعم لازم اقول menu بس ماينفعش اسأل عن قائمه الطعام .. ليه دايما قائمه الطعام بالانجليزي و مش بالعربي .. ليه كل حاجه في الدنيا بقيت انجليزي و مش عربي .. طب ما العربي دي لغتي و لغتكم .. دي لغتنا الام كمصريين او عرب ...

علي فكره عشان نكلم لغات و نبدع بلغات مختلفه لازم نتعلم اللغه الام .. وقت ما بنكتب او بنكلم اول فكره بتيجي في دماغنا بتكون عربي و بعدين ممكن نترجمها ...

عارفين ان اول حاجه بتحصل عشان نموت ناس هي اننا نموت لغه البلد دا .. يعني الروس و الصينين و الالمان مش بيتكلموا غير لغتهم .. ليه انا كمصريه و عربيه بتكلم عربي لازم اعرف لغات كمان .. لازم اكلم بلغات غير لغتي ...

 

ليه زمان و انا في المدرسه اتعلمت انجليزي الاول .. بعدين اتعلمت عربي و فرنسي و الماني .. ليه في الجامعه كل اللي بدرسه بيكون انجليزي .. ليه اول ما بدأت اكتب كتبت انجليزي و معرفتش اكتب عربي .. ليه اةل ما قرأت قريت انجليزي و مش عربي ...

واحده واحده كدا .. قررت اني اعتز بوطني الكبير "عربيه" و وطني الصغير "مصر" و قررت اتحول من واحده مش لاقيه هويتها لانها نسيت العربي و مش عارفه غير انجليزي .. قررت اسمع عربي (محمد منير - علي الحجار - حمزه نمره - ماجده الرومي - ام كلثوم - عبد الحليم حافظ - فيروز - دينا الوديدي) و غيرهم .. قررت اقرأ عربي (كتاب ملوش اسم - الكتاب التاني - تاكسي - ست الحاجه مصر - المحروم - ربع جرام - 1919 - الفيل الازرق) .. قررت اكتب عربي كمان ...

واحده واحده رجعت لي هويتي تاني .. حسيت اني روحي دخلت جسمي مره تانيه ...

 

هطلب طلب .. بلاش francoarab و بلاش english زياده .. عادي اني اقول شكرا و من فضلك و ربنا يخاليك و لامؤاخذه .. مش عيب و مش لازم thank you  و merci .. كفايا عقده الخواجه لحد كدا ...

 

السبب اني اكتب دا هي سوزان تالهوك من TEDx Beriut