صفر علي اليمين

بقلم : شهد راشد

 

صفر علي اليمين .. دا اسم الحمله اللي عاملها MOIC او نموذج منظمه المؤتمر الاسلامي .. و الغرض منها انك تكون انسان و تقرر تكون ايجابي و متفائل .. قرر تكون صفر علي اليمين .. صفر علي اليمين تطلق علي كل شخص استخدم مهنته او موهبته عشان يوصل بيها قيمه مهمه .

 

أم مصطفي جمال .. مصطفي من ذوي الاحتياجات الخاصه بس هو و امه ما يأسش ابدا .. ذاكر و نجح و دخل الالسن اسباني .. طلع مش بس الاول علي القسم الاسباني بس طلع الاول علي الكليه كلها .. و بعد تخرجه اشتغل في call center اسباني و بيعمل دراسات عليا و معيد في الكليه .. امه كانت بتساعده يروح الكليه كل يوم و بتصور له الورق و بتكتب له الكتب علي الcomputer .. و عشان الام دي صفر علي اليمين ساعدت ابنها يكون هو كمان صفر علي اليمين .

 

محمد عبد المنعم الصاوي .. الراجل دا مهندس بس قرر يغير مفهوم تحت الكوبري .. و حول تحت الكبري لساقيه فكر و ثقافه زي ساقيه عبد المنعم الصاوي اللي كلنا علي الاقل سمعناه عنها و اكيد في مننا كتير راح هناك .. الراجل دا قرر يكون صفر علي اليمين و قرر يكون الهام لغيره كمان .

 

ماهر زين .. الراجل دا بيغني بالانجليزي و العربي كمان .. اغانيه كلها تدعوا للتفاؤل و للايجابيه و بحسن الظن بالله و بالصحبه الصالحه .. ماهر صفر علي اليمين لأنه عامل اللي ماتعملش .

 

من الاخر انا شايفه ان دي من أهم الحمالات و الحراكات اللي حصلت في الوقت الاخير .. دعوه حلوه للسعاده و للتفاؤل و للايجابيه .. نفسي كل بني ادم يبدأ بنفسه و يقرر يكون صفر علي اليمين .