صديقة ياسمين صبري ترد على انتقادات والده لها

هاجمت لبنى عروس، صديقة الفنانة ياسمين صبري، والد الأخيرة بعدما نشر صورًا من خطبتها الأولى تؤكد كذبها. 

وقالت لبنى عروس: "أنا حاسة بغضب شديد جًدا، عمري ما فكرت أرد ولا أتكلم لكن اللي بيحصل ده تهريج بكافة المقاييس، یاسمین أشرف صبري صديقتي منذ الطفولة وحتى الآن، تربطني بها علاقة صداقة وحب وتفاهم وإنسانية بلا حدود اللي أبوها نشره يثير إشمئزازي لدرجة مقرفة حقيقي أنت مين، أنت كنت فين، أنت جيبت عربية هههههه، أنت صرفت عليها جنيه أنت تعرف إيه عنها".

وتابعت: "أنت شوفتها بس في الكام صورة اللي إنت حاططهم فقط لا غير، إنت محضرتش معاها أي حاجه في حياتها ولا تعرف عنها أي حاجه، إنت سنين تختفي وتظهر يوم في نادي سبورتنج تاخذ صورة وتختفي أنا عشت مع ياسمين في المدرسة وفي النادي طول طفولتي".

وأكدت: "ما أفتكرش إني شفت حد رباها ولا كان معاها غیر کریمة الله يرحمها جدتها، وأمها كانت في الخارج بتشتغل عشان تبعت فلوس عشان تعيش ياسمين في مستوى كويس، طلعتها جدتها رياضية طموحة، ربتها على القناعة تيجي إنت دلوقتي بعد كل ده افتكرت أن ليك أولاد، لما بقت مشهوره، إخص وألف إخص، أنا قرفانة من الآباء اللي بالمنظر ده أنا أفتكر اللي كام مره اللي شفتك فيهم، کنت تشوفنا صدفة وتقعد تتريق علينا وإننا شباب ضايعين بس ربنا كبير حسبي الله ونعم الوكيل".

وكان الدكتور أشرف صبري، رئيس جمعية الغوص والحفاظ على البيئة البحرية بمحافظة سكندرية، انتقد ياسمين عبر حسابه بموقع فيسبوك: "بعد ماسمعت أكاذيب بنتي اللي ربيتها في بيتي وكانت صاحبة البيت وعندها شغالة وقدرت تطعن ابوها في ضهره.. أصدقاءنا كانوا بييجو البيت بيشوفوها ولما كبرت جيبتلها عربية".

وكانت الفنانة ياسمين صبري قالت في لقاء على برنامج بموقع يوتيوب أن علاقتها بوالدها منقطعة منذ أن كان عمرها سنتين، حيث اختار حياته الخاصة على حسابها.