بعد الخسارة من الأهلي.. مدرب المقاصة يوجه رسالة تحذيرية للاعبيه
نورهان سليم
حرص محمد عبد الجليل المدير الفني لفريق الكرة الأول بنادي مصر المقاصة، على توجيه رسالة تحذيرية للاعبي فريقه عقب الهزيمة من من النادي الأهلي بأربعة أهداف مقابل هدف.
ربما يعجبك
وقال عبد الجليل في تصريحات تلفزيونية عبر برنامج الماتش الذي يقدمه هاني حتحوت عبر قناة صدى البلد: "أنا بحب العب لعب مفتوح وأهاجم أيًا كان بلاعب الأهلي أو الزمالك أو البرازيل".
وأضاف: "ماكنتش متوقع إن الحالة البدنية للاعبين هتقع بالشكل ده، لما يقع 7 ولا 8 لعيبة في الشوط الثاني مرة واحدة ومش قادرين يجروا في الملعب ده شيء غريب جدًا".
وتابع: "قولت للاعبين بين الشوطين مينفعش تغلط قصاد الأهلي، من نص فرصة هيعرف يشتغل، لو مش واقف على حيلك 90 دقيقة".
وشدد المدير الفني للمقاصة: "أنا قاعد في الأتوبيس مع اللعيبة دلوقتي أهو وبقولهم أي لاعب مش هيضيف للفريق ويبقى مفيد الفترة الجاية، مش هيكمل معايا وهياخد فلوسه في آخر الموسم عادي زي كل لاعب".
واختتم: "أنا لا أتحدث بنبرة يأس أو ما شابه، لأني مش أول واحد أتغلب ومش آخر واحد، لكن أنا مش جاي أدرب فريق بيلعب شوط واحد بس، وبقول للاعيبة أهو اللي مش هيدوس على نفسه ويلعب المباراة بشكل جيد مش هيكون له مكان معايا".
جوجل نيوز
