سمية الخشاب ترد على المتنمرين بسبب زيادة الوزن.. ماذا قالت؟

طالبت الفنانة سمية الخشاب الجمهور بالكف عن التنمر على الوزن الزائد، مؤكدة أنها يوما ما كانت في مرمى التنمر للسبب نفسه وعانت نفسيًا بسبب هذا الأمر.

وردت على المتنمرين، فقالت لهم: "في حاجة خطيرة وضرورية لازم نبطلها اسمها fat shaming ودي انك تقول تعليق سخيف أو تتنمر علي وزن حد او حتي تقولها بهزار، لان ده بيأثر جدا علي صحتهم النفسية، وأنا مريت بده قبل كده، ففترة من الفترات وزني زاد شويه عن المعتاد وكنت بقرأ تعليقات سلبيه كانت بتزعلني".

 

 

وتابعت الخشاب: "واي حد مرتاح فجسمه ومبسوط سيبوه يتبسط متدمروش صحته النفسية بكلام بايخ ومعايير محددة، لان لما الانسان بيبدا يكره شكله أو جسمه أو بتنعدم ثقته، فنفسه وده أكبر خطر علي صحته النفسية، فياريت يا جماعة بلاش الfat jokes السخيفة دي وكل واحد يخليه فنفسه".

وأضافت الخشاب: "عايز تنصح بطريقة صحية انصح فكروا بس قبل ما تطلعوا الكلمة من بوقكم لان الجمال شيء نسبي جدا ومش اي حد وزنه زايد بيبقي ده بمزاجه أو هو مستنيك تيجي تفكره، الbeauty standards بتختلف من كل شخص مش شرط اللي تشوفه بيرفكت يكون بيرفكت عند كل الناس".

وأردفت الخشاب: "طبعا السمنة خطر بس اهم حاجة شكل النصيحة يكون مش جارح او سخيف عشان الmental health متتأثرش.. وفي ناس كتير جدا بتشوف الcurvy اجمل body type لان الجمال نسبي والمنظور بيختلف من شخص لشخص، وفي فنانين كتير لما خسوا قلت شهرتهم لان الناس كانت بتحبهم كده.. باختصار مفيش حاجه اسمها beauty standards".