حرب تصريحات بين رامي صبري وعزيز الشافعي بسبب عمرو دياب
محمد إسماعيل
اشتعلت حرب تصريحات بين المطرب رامي صبري، والشاعر والملحن عزيز الشافعي، وعليه قرر الأول عدم التعامل مع الثاني.
ربما يعجبك
وقال صبري، في منشور عبر حسابه على فيسبوك: "ولتاني مرة .. الملحن عزيز الشافعي، ياخد أغنية مني وإحنا شغالين فيها، ويديها لفنان تاني وهو الفنان عمرو دياب، بنفس الشكل التوزيعي والموزع، أغنية شكرًا كده للي سابنا وأغنية زي ما أنتي .. لذلك قررت عدم التعامل معه مرة أخرى".
ومن جانبه، رد الشافعي على ما بدر من صبري، وكتب عزيز عبر حسابه على تويتر: "كلام الزميل المحترم مالوش أي أساس من الصحة، ومعرفش بيعمل كده ليه؟.. وعلى العموم شكرًا".
وأضاف الشافعي: "مش هرد بالتفاصيل على كلام الزميل المحترم، عشان لما الواحد يبقى ليه فضل بعد ربنا في نجاح فنان وبيزود رصيده مع الناس، بيعز عليه بعد كده يقلل منه حتى لو تجاوز".
وتابع: "رغم إن كلامه كله (مالوش أي أساس من الصحة)، أحب دايما أشوفه ناجح وبيكمل اللي عملناه، وبشكره على إستجابته لطلبي و قراري الشخصي الي بعتهوله الصبح من خلال صديقنا المشترك محمد حامد بإننا منشتغلش تاني ونكتفي بنجاحاتنا، وبعتذر للسادة الصحفيين اللي بيتصلوا بيا مش عايز أدي الموضوع أكبر من حجمه".
وأكمل الشافعي: "بكتفي بالبوست ده وبالكلام المحترم اللي كتبه زميلي وشريكي تامر حسين على صفحته عن أغنية "شكرًا" ، أما بخصوص "زي مانتي" فممكن ترجعوا للصديق المشترك محمد حامد وتسألوه".
جوجل نيوز
