رسالة مؤثرة من الشيمي بعد انتهاء تعاقده من ذئاب الجبل

أعلن أحمد الشيمي، لاعب المقاولون العرب، رحيله عن المقاولون العرب، بعد انتهاء تعاقده مع النادى خلال الموسم الحالي.

 

وكتب أحمد الشيمي، عبر حسابه الشخصى على إنستجرام، "اليوم وبعد 17 سنة مع نادي المقاولون قضيت فيها أحلى أيام حياتى، تم انتهاء تعاقدي مع الفريق، قضيت وقتا في النادى أكثر ما قضيته في بيتي، نادي المقاولون هو بيتي والناس اللي فيه هم أهلي، ماكنتش أتخيل أبدا أن يوم ما أسيب النادي يبقى هو ده حال النادي، بس أنا عمري ما بخلت بنقطة عرق للنادي اللى هو السبب في اللي أنا فيه دلوقتي".

 

وأضاف الشيمى، "بإذن الله النادى هيرجع أقوى وأحسن من الأول نادى المقاولون من أحسن الأندية في مصر وهيفضل طول عمره من أحسن الأندية في مصر".

 

واختتم لاعب المقاولون: "لنا عودة، لمجرد التصحيح بعض المعلقين فى الماتشات بيقولوا إنى من ناشئين إنبى، ده مش صحيح، أنا فى المقاولون من وأنا عندي 9 سنوات وانتقلت لإنبي وأنا 18 سنة ورجعت تانى المقاولون وأنا 20 سنة".