مبدع في الـ15..صدور ديوان "سكر بره" للشاعر ساجد محمد عبدالفتاح بمعرض الكتاب
محمد خضير
صدر حديثا ضمن اصدارات معرض القاهرة الدولى للكتاب فى دورته الـ55 عن دار المفكر العربي ديوان عامية تحت عنوان "سكر بره" للشاعر الصغير ساجد محمد عبد الفتاح الذي يبلغ من العمر 15 عاما، وهو أصغر عضو باتحاد الكتاب والمثقفين العرب الفائز بلقب السفير الثقافى الصغير للصين وعضو البرلمان العربي للطفل بالشارقة والحاصل على المركز الأول قمى فى الالقاء على مستوى الجمهورية ومن المرشحين لجائزة الدولة للمبدع الصغير، ونأمل أن يكون ساجد امتدادا لجيل العمالقة
ربما يعجبك
ومن أجواء الديوان.
يقول في إحدى قصائده:
مصباح علاء الدين
لو كان معايا يا ناس
مصباح علاء الدين
انا كنت ازرع امل..
جوه قلوب.. ملايين
واملى كاسات الخير
وابني كمان ف قصور..
بدل العشش.. للطير
واطير بدون باسبور
على جناح .. من نور
واملى الحياه بالحب
وازرع ورود وزهور
واخلي كل الناس
كده بالهنا عايشين
لو كان معايا يا ناس
مصباح .. علاء الدين
وابص ع الفضا فوق
القى هناك .. مكتوب
قلبك صفا وبراح
وأغلى من المصباح
سيبك من اللي راح
ولا كنت هبكي اكيد
على لبن .. مسكوب
او اني أكون صرخه
تصحي كل ضمير
وانزع خشونة الصوف
يبقى ف أيدي حرير
واشيل مرارة الخوف
وابدله .. بأمان
وانثر بذور الخير
تطرح دفا .. و حنان
واخلي حر الشمس
شعاع محبه كمان
و اعزف اغاني الحب
من غير الم و انين
لو كان معايا يا ناس
مصباح.. علاء الدين
لكن انا محتار
انا زرت مية عطار
ملقتش تركيبه
تطفي يا ناس النار
وتحول الاشرار
ويكونو م الاخ
يار
دلوني اروح على مين
والاقي عنده هناك
مصباح.. علاء الدين
جوجل نيوز
