عاجل..الرئيس السيسي لأصحاب ذوي الهمم: مش بيقولوا ملناش مكان أنتم أصحاب المكان

قال الرئيس عبد الفتاح السيسي، لأبطال مصر في السباحة من ذوي الهمم: مش بيقولوا ملناش مكان أنتم أصحاب المكان. 

 

 

 

كان مصطفى أحمد، بطل السباحة، بمركز شباب الجزيرة، في الاتحاد المصري للإعاقات الذهنية، قد وجه كلمة أمام الرئيس السيسي، قائلًا: أنتم عارفين بعد 6 شهور إن شاء الله 5 عندنا منتخبات هايشكلوا في بطولة كأس العالم للاتحاد الدولي للإعاقات الذهنية بفرنسا اللي حضرتك يا ريس اللى اتصورت معاهم بره النهاردة احنا محتاجين دعمكم ودعوات مصر كلها ادعولنا نرجع بميداليات كتيرة ونرفع علم مصر.

 

ورد الرئيس السيسي قائلًا: مصطفى أدعمكم إزاي أنا تحت أمرك قولي أعمل إيه دعم إن إذا كان في الترتيبات والإجراءات إحنا تحت الأمر، اسمع يا مصطفى اسمعي يا جنات.

 

أضاف الرئيس أقول لكم وللناس كلها مش بتقولوا مش لينا مكان أنتم أصحاب المكان أنا مش بجامل والله، والله ما بجامل ولا أقول كلام لطيف ولا حاجة اللي يعرف الحقيقة هايجي يوم يتمنى أنه يبقي معاكم، بس أنتوا ساعتها قولوا ليكم مكان.

كان الرئيس عبد الفتاح السيسي، قد وصل اليوم الأربعاء إلى مركز المنارة للمؤتمرات للمشاركة في النسخة الرابعة من "قادرون باختلاف".

يذكر أن فعالية "قادرون باختلاف"، أقيمت لأول مرة عام 2018، بمبادرة رئاسية من الرئيس عبد الفتاح السيسي، الذي يحرص كل عام على حضور الاحتفالية احتفاء بالأطفال والشباب من ذوي الإعاقة.