فريدة سيف النصر توجه رسالة حادة لرواد مواقع التواصل الاجتماعي
أمنية فوزي
نشرت الفنانة فريدة سيف النصر رسالة شديدة اللهجة لرواد السوشيال ميديا عبر حسابها الشخصي على موقع التواصل الاجتماعي فيسبوك، استنكرت بها كم الهجوم الذي تعرض له نجوم الفن من قبل، وزعمت أنها لجان مستهدفة للقضاء على الفن المصري.
ربما يعجبك
وجاءت نص الرسالة كالتالي: "أنا زعلانة علينا كلنا أوي.. المصريين أحلى، وأطيب، وأجدع من كده بكتير.. خفة دم، وكرم، وذوق.. ايه اللي حصل.. ليه بنستخبى ورا شاشات وننزل ننحر رقاب بعض.. الكلمة القاسية بتذبح.. بقينا نكديين مانعرفش نفرق بين جد وهزار، كله عايز يتخانق مع كله.. ايه ده؟ وكل يوم يعاملوك بوش أو حسب المصلحة".
وتابعت سيف النصر: "في ايه؟ بعض الناس ماسكين الفنانين وكأن في تار بلا أسباب دي عجزت، ودي كرمشت، ودي غيرت دينها، وده دمه تقيل، وده كبر في السن لكن بيغني، وده بيرقص كونغرو، وده اتكسح ودي روحي موتي كفاية.. مالكم في ايه بجد.. هما الناس دي ما اسعدكمش أعمالهم فترات من الزمن.. طيب بلاش انت مابتحبيش فلان غيرك بيحبه.. في ايه يا جماعة".
كما أردفت: "تحسوا مخطط لهدم الفنانين القوى الناعمة اللي فاتحين بيوت 14 مليون متخيلين؟ كل المهن شغالة معانا تحت أيديهم كام عامل واسطي كل واحد فيهم عنده أهل وزوجة وأطفال وفي اللي جوز ولاده وعندهم بيوت مفتوحة.. بتحاربوا تمن عدد البلد في أكل عيشهم.. اقرأوا كده المسلسل بيكتب ناس قد ايه عماله في العمل شوفوا وقولولي".
واختتمت سيف النصر رسالتها: "كفاية هد في الفن والوحش انقدوه بأدب والكويس شجعوه.. إنما تهزأوا فنانين كبار ليه يعني، على فكره أنا عارفة إنها لجان مستهدفة الفن المصري، والفن عمومًا ما هو العربي بيصب هنا.. هاه قرروا إيه.. هنشتم من ورا الشاشة، ولا هنقول كلام نصح حلو يا باشا".
جوجل نيوز
