هجوم من نجوم الزمالك السابقين على اللاعبين بعد الخسارة من الوداد

علق الإعلامي أحمد حسام ميدو، على خسارة الزمالك من الوداد في الجولة الرابعة من دور المجموعات ببطولة دوري أبطال إفريقيا.

قال ميدو عبر حسابه على موقع التواصل الاجتماعي تويتر: "‏انا اسف ماتزعلوش مني، نادي الزمالك محتاج ثورة فنية لازم على الاقل ١٠ لاعيبة يمشوا، في لاعيبة ماينفعش تلعب في ‎الزمالك نجحنا في التعاقد مع مدرب كبير دلوقتي ‎فيريرا لازم يقود ثورة التغيير".

أما أحمد عيد لاعب الزمالك السابق قال عبر تويتر: ‏"احنا منستحقش نصعد اصلاً بالرعونة وقلة الحيلة الي فيها اللاعيبة دي، ولا محترف فارق معانا كلهم يتكلوا على الله، فور الفرقة دي هما ١٠ لاعيبة يكملوا والباقي مع السلامة احنا عندنا لاعيبة بتاخد اعلى عقود في افريقيا و يا فرحتي".

بينما قال أحمد مجدي لاعب الأبيض السابق: "شىء متوقع جدا مستوي الزمالك اكيد فيريرا مش معاه عصا سحرية عشان يغير كل حاجة في يومين وده متوقع لان كل ٣ ايام ماتش هتحتاج وقت وفتره اعداد حتي لو صغيرة عشان يبدأ يحط افكاره وشغل يظهر علي الفريق والاهم لازم لاعبي الزمالك يكون في رد فعل احسن من كده في اوقات اللاعيبه لازم تظهر شخصيتها".

وكان قد خسر فريق الكرة الأول بنادي الزمالك، أمام مضيفه الوداد المغربي بهدف نظيف، في المباراة التي أقيمت مساء اليوم في الجولة الرابعة لمباريات دور المجموعات لبطولة دوري أبطال إفريقيا.

وشهدت الدقيقة 48 تسجيل نجم الوداد المغربي يحيى جبران هدف المباراة الوحيد ليصعب مهمة الصعود على الزمالك بعد فقد 3 نقاط غالية.