التريند رقم واحد في مصر| طالع.. ملخص تصريحات شيكابالا مع عمرو أديب
إيمان عادل
أحدثت حلقة محمود شيكابالا، قائد نادي الزمالك، مع الإعلامي عمرو أديب، في برنامج "الحكاية"، على قناة mbc مصر، صدى واسعا على مواقع التواصل الاجتماعي، وأصبح اسم شيكابالا أثناء عرض الحلقة "التريند" رقم واحد في مصر.
ربما يعجبك
بدأ شيكا حديثه بتوجيه الشكر لفخامة الرئيس عبد الفتاح السيسي، على التطوير الكبير الذي تشهده مصر في عهده، وبالأخص أسوان، كونه لم يزرها منذ سنتين.
وتطرق إلى التجاوزات التي حدثت له من بعض جماهير الأهلي وقال: "حصل معايا تجاوزات محصلتش مع حد، ناس راحت مقابر ناس حملت كلب أسود، في بلاد كتيرة اللي بيحصل ده مع لاعب الناس بتعتذر له، لو أنا في نادي تاني كان حصل إجراء ضد الناس من عشرين سنة".
وأضاف: "أنا هسكت لو حد بيجيبلي حقي طالما محدش جاب حقي أنا مش هسكت".
وعن أزمة مباراة التتويج، قال: "في ماتش التتويج مكنوش راضيين يدخلوا أهالي اللاعيبة وفضلت ساعة ونص في الشارع عشان ادخل الناس، لو فيه مسؤول كان هيعمل ده مكنتش هفضل واقف، وفضلت واقف برا لحد ما اللاعيبة طلعت ليا زي زيزو والجزيري".
وأضاف: "والد الونش لأول مرة يروح استاد وجاي من الشرقية مخصوص، وإخوات يوسف أوباما جايين من إسكندرية ومحدش دخل".
وأردف: "من ساعة من أخدنا الدوري حسينا إن الناس عايزة تدوس علينا، اللي بيحصل ده مش كورة، كنت داخل أوضة اللبس الأمن مرضاش يدخلنا، ورئيس الاتحاد هو اللي جالي ساعة المشكلة".
واستطرد: "الناس بتقول إن شيكا شتم رئيس الاتحاد والكلام ده محصلش ورئيس الاتحاد طلع في برنامج ونفى الكلام ده، قولتله عشان خاطر انت أهلاوي مش عايز تدخل الناس، وكنت بكلمه عشان مش عارف حد غيره، قالي لأ".
جوجل نيوز
