رنا سماحة ترد على جدل طلاقها: مش عايزة أبقى ترند
محمد إسماعيل
رنا سماحة، المطربة المعروفة، خرجت عن صمتها لتحسم الجدل الذي تم تداوله خلال الأيام الماضية بشأن طلاقها من زوجها المطرب والملحن سامر أبو طالب.
ربما يعجبك
وقالت رنا سماحة في منشور عبر فيس بوك: "عذراً ايها الـ “trend” فلدي ما هو اغلى من كنوز العالم.. اتعلمت في بيت اهلي ان العلاقة بين الراجل والست أمانة مينفعش تطلع بره البيت.. خطيبتك مراتك طليقتك اياً كان.. الأمانة دي ولاد الاصول بس اللي بيعرفوا يصونوها وميفشوش اسرارها".
رنا سماحة: عفواً أيها الترند لا نريدك
وتابعت: "ولاد الاصول بس اللي مبيكذبوش ولا بيدعوا على بعض بالباطل.. ولاد الاصول مبيقذفوش المحصنات (كبيرة من الكبائر).. ولاد الاصول بس اللي مبيخونوش الأمانة.. ولاد الاصول بس مبيفجروش في الخصام.. ولاد الاصول مش محتاجين يستعطفوا حد ولا محتاجين يتدعوا المثالية بيسيبوا اخلاقهم تتكلم عنهم ومبيتكلموش هم عنها.. ولاد الاصول مبيلقحوش على بعض مبيجيبوش سيرة بعض غير بالخير.. ولاد الاصول بيعاشروا بالمعروف وبيفارقوا بالاحسان ومبينسوش الفضل بينهم".
وأضافت سماحة: "ده اللي ربنا امرنا بيه ده اللي اهالينا ربونا عليه ده اللي الانسانية بتقوله.. اي حاجة غير كده تبقى عدم تربية.. قلة دين.. انعدام اخلاق.. انعدام الاخلاق ده مينفعش نزينه ونقول اوووووه ترند.. في داهية الترند اللي ينسينا اخلاقنا وتربيتنا واصولنا.. الانسان بيعيش حياته وبيمشي (رحلة).. مش هيفضل منها غير سيرتك واعمالك الطيبة وكلمتك اللي بتتصدق بيها".
رنا: سيبوا الخير وانتو ماشيين عشان الناس تدعيلكم بدل ما يدعوا عليكم
وأنهت رنا حديثها بقولها: "سيبوا الخير وانتو ماشيين عشان الناس تدعيلكم بدل ما يدعوا عليكم.. اجعل من يراك يدعو لمن رباك.. بطلب من اي حد هيكلمني عشان يعرف اي تفاصيل تخص حياتي الخاصة يوفر على نفسه وميكلمنيش ميهمنيش السبق الصحفي ولا الشو الاعلامي ولا الاكثر بحثاً غير في شغلي فقط في الخير والفرحة وبس.. عاهدت نفسي واهلي والناس اللي بحبهم اني اكون خير قدوة.. عاهدت ابني اللي عيني لسه مشافتوش اني اربيه على الاصول والاحترام والرقي.. عاهدته اني اربيه يبقى (راجل).. ف متستنوش مني ما يفعله الاخرون مش عايزة ابقى ترند".
جوجل نيوز
