أحمد سعد لسمية الخشاب: أنا خاطب بلاش حركات من تحت لتحت

قال المطرب أحمد سعد إن ظهوره في مشهد في زفاف "موسى" و"حلاوتهم" ضمن أحداث مسلسل "موسى"، أحدث ضجة كبيرة وردود الأفعال كانت مضحكة للغاية وأسعدته كثيرا حتى وإن طالته بسبب علاقته بسمية الخشاب مضيفا " أنا شايف الناس مستمتعة وأكيد استغربوا الموقف أنا كمان استغربت".

 

وأضاف أحمد سعد، في تسجيل صوتي لبرنامج MBC Trending: "عايز أشكر صديقي العزيز محمد رمضان انه عزمني في فرحه على سمية وكنت هزعل أوي لو مكنش عزمني في مناسبة سعيدة جدا زي دي، لما كلمني أجي أغني وافقت علطول".

 

 

وتابع سعد: "اليوم كان حلو ومر بسلام قابلت سمية وسلمت عليها وسلمت عليا وهزرنا وضحكنا بس فوجئت بأنها قالت على وجودي رزق وجايله.. محصلش أنا روحت بالحب مأخدتش أي فلوس عشان بحب محمد رمضان وليا نجاحات كتير معاه".

 

وبشان الصور التي نشرتها سمية الخشاب بعد عرض الحلقة وأحدثت ضجة، قال سعد: "بلاش حركات من تحت لتحت هنفضل طول عمرنا نعملها عشان الناس تشوف حاجات وحشة .. لقيتها منزلة صورة وحشة ليا"، مضيفا " أنا مبفكرش بالطريقة دي بفكر بطريقة عملية أنا خاطب دلوقتي وبحب خطيبتي ومعنديش خلافات مع سمية فبلاش الحركات اللي من تحت لتحت".

 

مسلسل "موسى" بطولة محمد رمضان وسمیة الخشاب وریاض الخولي والفنان سید رجب وعبیر صبري والفنان صبري فواز وھبة مجدي ومنذر ریاحنة وفریدة سیف النصر وعارفة عبد الرسول وأمیر صلاح الدین، ومن تألیف ناصر عبد الرحمن وإخراج محمد سلامة.