سمية الخشاب: الرجالة زي مصاص الدماء
محمد إسماعيل
أكدت الممثلة سمية الخشاب أنها تلقت العديد من عروض الزواج، مشددة على رفضها لإمكانية تكرار تجربة الزواج مرة أخرى.
ربما يعجبك
وقالت الخشاب، خلال لقاء مع الإعلامية اللبنانية نضال الأحمدية، عبر خاصية البث بموقع إنستجرام: "على فكرة بتجيلي طلبات جواز كتيرة أوي يا جماعة وبتخطب على الهواء"، مضيفة: "لا لا مش عايزة أتجوز تاني.. مع احترامي للرجالة لكن هما بياخدوا منك 90% من طاقتك فما بيكنش فاضل حاجة لنفسك.. بيسحبوا طاقة الست زي مصاص الدماء "دراكولا".
وتابعت الخشاب: "الراجل طبعًا بيسحب طاقة الست لأنه إذا انتِ بتحبيه هتهتمي بيه وترتبي أغراضه وتديله وقتك وصحتك واهتمامك وتطبخيله وتدلعيه، طب انتِ فين من كل ده؟".
وفي ردها على سؤال الأحمدية بشأن: "طب إذا الرجل كان بيهتم بيك ويدلعك؟"، قالت الخشاب: "هما فين دَول اللي بيدلعوا يا حبيبتي.. والله يا حبيبتي هي الحياة أخد وعطا، اهتم بيا أهتم بيك هتحبني هحبك لكن أخد من غير عطاء ده اسمه أنانية".
جوجل نيوز
