ريهام حجاج تعلن حملها لأول مرة
محمد إسماعيل
أكدت الممثلة ريهام حجاج لأول مرة حقيقة حملها، وذلك خلال تفاعلها في التعليقات مع جمهورها عبر حسابها بموقع إنستجرام.
ربما يعجبك
وشاركت حجاج متابعيها بصورة برفقة زوجها رجل الأعمال أحمد حلاوة، وكتبت عليها: "بيتك كنبتك جوزك وتليفزيونك"، لتأكيد ضرورة العزل الصحي لمواجهة فيروس كورونا.
ولاقى منشور ريهام حجاج هجوما من متابعيها، خاصة أن زوجها هو طليق الممثلة ياسمين عبد العزيز، فردت حجاج على هجوم متابعيها بهجوم أعنف، إذ قالت: "أنا شايفة انكم بقالكوا كتير اوي بتحكوا في المحكي؟! ما زهقتوش؟! كلكم على بعض 170 كومنت تلت تربعكم لجان الكترونية وفي الربع التاني حافظ وبيردد كلام انا بقالي سنتين متجوزة وقربت اخلف وإنتم مع كل صورة بنزلها مع جوزي نفس الأشخاص بنفس التعليقات".
وأضافت: "عموما انا متصورة مع جوزي مش عشيقي (حرة وما بعملش حاجة غلط ومش عشان اي سبب غير اني حابة الصورة وحابة أشاركها مع كل الناس السوية مش المريضة... اللي بيحبوني وبيبعتولي تعليقات جميلة ولطيفة) على الإنستجرام بتاعي أنزل عليه اللي انا عايزاه بتتكلموا في موضوع يضحك اساسا".
وتابعت: "يعني معتقدش إني ممكن اختار لواحدة فيكم جوزها مثلا! ولا حتى اقول رأيي فيه! مش من حقي فأكيد مش من حقكم يعني هو مش موضوع يحتمل النقاش اساسا".
وواصلت حجاج، بقولها: "عمالين بتهروا في موضوع صاحبة الشأن نفسها- ياسمين عبد العزيز- طلعت في برنامج واتكلمت عن طلاقها اللي كان من سنة قبل جوازي بتخترعوا قصص وهمية ومصدقينها زي مثلا اننا كنا اعز اصحاب وكلام غريب وانتم ماتعرفوناش اصلا الجواز والطلاق دا نصيب وحلال مش حتحرموا حلال ربنا يعني! ولا هو التدين بيطلع وقت ما نحب".
واستكملت قائلة: "هو الكلام اللي بيتكتب دا ليه علاقة.. بالدين ولا الأخلاق؟ لا مسلمة ولا مسيحية ولا يهودية ولا حتى بوذية عندها اخلاق ممكن يطلع منها كلام زي دا لمجرد إنها مستخبية ورا موبايل.. ربنا يهدي صحاب النفسيات الجحيم اللي قاعدين يشتموا على السوشيال ميديا أي حد وينظر ويحكم على حياة بني آدمين مايعرفهمش".
جوجل نيوز
