السبب الحقيقي لاختفاء مي الغيطي.. ماذا حدث معها في تايلاند؟

أعلنت الممثلة الشابة مي الغيطي سبب تغيبها بعدما أقلقت محبيها بغيابها المفاجئ عن الساحة الفنية والسوشيال ميديا.

وأشارت الممثلة الشابة أنها تعرضت لحادث خطير خلال رحلتها إلى تايلاند قبل 7 أشهر، إذ أطلت الغيطي على إنستجرام، قائلة: " في ناس كثيرة بتسألني أنا كنت مختفيه ليه ..من ٧ شهور كنت في حادثة حصلت في تايلاند، اتخبطت بعربية نقل في العربية اللي كنت فيها، واتصبت إصابات بالغة". 

وتابعت مي الغيطي: "حصلي كسر في حوضي، وإصابة في العمود الفقري، وكان عندي إصابات داخلية و نزيف داخلي وتلف في الأعصاب في رجلي. قعدت في المستشفى أسابيع في تايلاند و رجعت مصر علشان أكون مع أهلي وأتعالج وسط دعمهم".

وأضافت الغيطي: "مكنتش حابة أشارك اللي حصل وقتها، كنت محتاجة وقت أتعافى بعيد عن أي ضغط. بعد علاج طبيعي فتره و كل شوية نكتشف حاجة جديدة أنا دلوقتي احسن بكتير جدا الحمدلله و دي حاجة محدش كان متخيلها بعد فتره نسبياً قليلة".

وأكملت ابنة السيناريت محمد الغيطي: "حاسة إني كنت عايزة أشارك ده دلوقتي عشان اقول ان الجسم عنده قدرة رهيبة على الشفاء.. أقوى بكتير مما نتخيل وأن التعافي بياخد وقت، بس بييجي. لو إنت بتمر بوقت صعب، ارجوك كون صبور مع نفسك عشان عدم فقدانك إيمانك انك هتكون أحسن بجد بيفرق في قدرتنا على تحمل الصعاب".

منذ إعلان الفنانة الشابة مي الغيطي عن خطبتها من شاب من خارج الوسط الفني، وتصدرت مؤشر محركات البحث من أجل الوصول لمعلومات عن خطيبها وهويته وكيفية تعارفهما، خاصة وأنه ليس مصريا، وهو ما نكشف عنه في السطور التالية.

نشير إلى أن مي الغيطي أعلنت مؤخرا خطوبتها على صديقها المقرب الدكتور أندروس بروان، وهو طبيب بريطاني وتجمعهما علاقة صداقة قوية منذ سنوات أثناء سفرها إلى بريطانيا من أجل تصوير فيلم "due dating".