"اعتذار مش مقبول" .. تامر عاشور يرد على حسام حبيب

علق الفنان تامر عاشور، على اعتذار الفنان حسام حبيب، وذلك بعد الخلاف الذي نشب بينهما، بسبب شيرين عبد الوهاب، على هامش المؤتمر الصحفي لحفله بالإمارات.

وسأل أحد الحضور الفنان تامر عاشور حول خلافه مع حسام حبيب، ليجيب قائلًا: "لا خلينا في حاجة غير دي، واعتذاره مش مقبول".

وفي سياق ذات صلة، تعود أزمة الفنان تامر عاشور مع الفنان حسام حبيب، في الأشهر الماضية، بعد أزمة النجمة شيرين عبد الوهاب مع زوجها وشقيقها، مما جعل تامر عاشور يعلق عبر حسابه الشخصي بموقع إكس، وكتب: "كل اللي أقدر أقوله في موضوع شيرين، أن مفيش كلمة واحدة بس من اللي اتقالت وانتشرت صح، أنا قريب من أهل شيرين ووالدتها وأخوها، أنا برضه أقولها أني بحبها وكل الدنيا بتحبها وتحب فنها، أهل شيرين مظهروش في حياتها آخر سنتين تلاتة أهل شيرين هم أهل شيرين من زمان، كل نجاحات شيرين كانت وسط أهلها وناسها اللي يشيلوها من على الأرض شيل”.

وتابع عاشور: "يا رب يبعد عنها كل خبيث وأناني وفاشل وممثل، هي أطيب منهم كلهم وهم اللي وقعوها فكل مشاكلها، أنت بمن حولك، لو اللي حواليك فشله غصب عنك لازم تبقى زيهم وتعافر علشان تقدر تمارس اللي كنت بتعمله في عدم وجودهم بمنتهى السهولة، أنا كلت عيش وملح في بيتها وفي بيت أمها وأخوها وكان لازم أقول الكلام ده علشان الكلام ده هو الكلام الحقيقي ولا كلمة من اللي اتقالت واتسمعت ليها أساس من الصحة، أهل شيرين هم هم أهل شيرين من زمان أوي، بالعقل".

ورد حسام حبيب فيما بعد، وكتب: "سمعنا ناس غريبة بتدخل في أمور مش أمورها خالص، ومنهم ناس أشباه فنانين، مفيش فنان بيدي حق لنفسه يدخل في حياة غيره، لأن الفنانين بيبقى عندهم إحساس، وتصريحات شيرين خلت شكلهم مش ظريف خالص"، ليعود بعدها ويعتذر كاتبا: "على فكرة يا جماعة أنا بهزر، هو فنان محترم وليه جمهور كبير وبيقدم فن راقٍ وأنا بعتذر له لو كان الهزار تقل، أنا بس كنت بنكشه لأنه تقلها عليا شويتين".