ميمي جمال: طلاقي من حسن مصطفى لم يكن بسبب الخيانة ورجعنا بسرعة

قالت الفنانة ميمى جمال إن زوجها الفنان الراحل حسن مصطفى لم تكن له نزوات أو يعمل حاجة غلط، وأنا كنت بثق فيه.

وأضافت ميمي، خلال لقائها مع الإعلامى دكتور عمرو الليثي بيرنامجه واحد من الناس على شاشة الحياة، ان حصل طلاق بعد ٦ سنوات من الزواج بسبب حاجة عبيطة، ورجعنا لبعض بعد مدة بسيطة.

 

وتابعت ان حسن مصطفى عمل اكتر من ٢٠ حجة و ٢٥ عمرة ولم يفت فرضا، ويسافر السعودية مرتين في السنة، وكنت مبسوطة طوال حياتى معاه، وبنته من زوجته الاولى، بقت زى بنتي على الرغم من انها فى الاول كانت بتعاملنى وحش بسبب إنها حاسة انى اخدت ابوها، لكن بعد ذلك مفيش فرق بينها وبين بناتي.

وتابعت ان آخر لحظات للفنان حسن مصطفى كنت بجواره فى المستشفى، وقال لى شيلى ايدك من على خدك، هتحطيها كتير بعد كده اجمدى اللى جاي صعب، وحط دماغه على المخدة وراح، بعدله علشان ينام لاقيته مش بيرد، جريت على الاطباء، فقالوا لى البقاء لله، والساعة كانت ٤ الفجر، ولم ابلغ بناتى علشان ما اخضهمش وهما هيجوا بكره بدرى يعرفوا وفضلت بجواره اكلمه لحد الصبح.

وأضافت انها كانت بتكلم الكرسي اللى كان بيقعد عليه وتحكي ليه بعد وفاته، وكنت بعد وفاته اعدي على غرفته أقوله تصبح على خير وكأنه موجود، حسن كان ليه تواجد وكاريزما فى البيت مفتقداها.