علاء زينهم: "رفضت أنضرب بالقلم من سيد زيان ورفضت دور متحرش مع إيناس الدغيدي"

قال الفنان علاء زينهم إنه يحلم بالعودة مرة أخرى يسوق عربية نقل تاني ويسافر البحر الأحمر، وأنا بحب الشغل الحلال وبربي ولادي على كده.

وأضاف زينهم خلال لقائه مع الإعلامي الدكتور عمرو الليثي ببرنامجه "واحد من الناس"، على شاشة الحياة، للأسف بقيت معنديش وقت للسواقة لأني كنت في أفخم فاترينة مع النجم عادل إمام، فكان المخرجون يشاهدونى بالليل في المسرح "الزعيم" وتاني يوم ألاقيهم بيبعتولي أدوار.

ومن الأعمال التي أحبها النوم في العسل، والماء والخضرة والوجه الحسن، ويتربى في عزه، وونوس، والبرنس.

وتابع علاء، أن الأستاذ رحمي كان بيقولي لي طول ما أنا عايش أنت معايا في بوجي وطمطم، حتى بعد وفاته ابنه عمل بوجى وطمطم تاني وأخدني معاه.

وعن خلافه مع الفنان سيد زيان أوضح، أنا كانت بمثل في مسرحية "العسكري الأخضر"، وكان هناك مشهد المفروض إنه بيضربني فيه بالقلم وأنا رفضت، وتحدثت مع سيد زيان لو ضربتني هاضربك وبعدها رفضوا استمراري وقلت ليهم ده آخر يوم ليا معاكم، واتقابلنا بعد كده وقالي لسه خايف مني ومش عاوز تشتغل معايا واتصالحنا.

كما تحدث عن موقف آخر، وأستاذ هاني لاشين في مسلسل زعل منى لأني رفضت أضرب ابني وأنا مش بحب اضرب حد أو انضرب، وأحمد زاهر لم يضربنى في مسلسل البرنس، ومحمد سامى الله يكرمه أخد لي شوطات من زوايا مختلفة أعطت إحساسا بالقلم وستات في الشارع كانت تقابلني تقولي إزاي يضربك كده واحلفلهم إن ده تمثيل.

الدكتور يحيى الفخراني الله يكرمه قالي ما تمثلشي زى ما قالك أحمد صقر خليك بطبيعتك، في مسلسل زيزينا الناس هتحبك وفعلا كان هناك رد فعل حلو أوي من الناس.

وتابع، إنه رفض دور متحرش مع المخرجة إيناس الدغيدي، واتناقشت معاها لمدة ساعة ونصف، وبالغت جدا في الأجر علشان ترفض تاخدني، ولما اتناقشت مع أولادي قالوا لي يا بابا أوعى تعمل الدور ده الناس بتقابلك في الشارع هتقولك إيه.