أحمد عزمي: أمي مرضت بسببي وأبي توفي ولم يحضر أي فنان العزاء

قال الفنان أحمد عزمي إن والدته ماتت بسببه وأصيبت بالمرض بعد الأزمة التي حدثت لي ، وفي آخر أيامها أنا خرجت وكانت فرحانة أنى بطلت إدمان.

 

وأضاف عزمي خلال لقائه مع الإعلامي دكتور عمرو الليثى بيرنامجه واحد من الناس على شاشة الحياة ، أنا بطلب منها تسامحني الله يرحمها ، وهي علمتني قرآن وحفظتني جزء عامة وربت ٥ أولاد كما يجب وأنا كسرت قلبها ، وتوفت وبعدها بكام شهر توفي والدي ، ولم يحضر أي فنان جنازة والدي وحزنت جدا إن أنا لم اقدم لوالدي ما يستحقه .

 

وقال عزمي عن الفنان صلاح عبد الله إنه فنان جميل في أول يوم تصوير مسلسل حرب الجبالي ، وقال خد ياد يا أحمد انت اتعشيت قولت لسه قال لي خلاص ما تقلقش اتعشى وهيجيلك الشيك أمضي عليه ماتخفش الإنتاج هنا كويس وكان بيهزر معايا .

 

وعن علاقته بابنه آدم قال إنها جيدة جدا وهو عنده دلوقتى ١٤ سنة وأنا اللى بذاكر معاه العربي ، و هو بدأ يشكشك كده تمثيل وفي المدرسة عنده كانوا بيعملوا ماكبث وهو مثل فيها .

 

وأضاف النجم تامر حسني كلمني علشان فيلم "بحبك " وفوجئت إنه بعتلى رسالة وقال لي أنا بحبك يا فنان وعاوزك معايا وافتكرت إن أحد بيهزر ، ولاقيته تاني يوم بيكلمني ، وقالي الدور حلو وأنا شايفك في التركيبة دي .

 

وتابع عزمي إن أصعب المشاهد في حياته وعالق في ذهنه مقتل أخيه حمدي لأنها كانت صدمة كبيرة ولحد الآن مش مستوعب ومش بقدر أشوف صورة ليه .

 

وأضاف عزمي خلال لقائه مع الإعلامي دكتور عمرو الليثي بيرنامجه واحد من الناس على شاشة الحياة ، إننى تجاوزت المرحلة الصعبة لكن الذكريات لسه بترجع بتقلب عليا المواجع ، غصب عني و اللي بيخرجني منها ابني آدم .

 

و الدكتورة نبيلة مكرم وزيرة الهجرة عملت مؤسسة اسمها بداية وكلمتني إنى اشتغل معاهم علشان نوعي الشباب بمخاطر الإدمان وإزاى يبدؤوا حياة جديدة وفخور بمشاركتي معهم .