بسمة بوسيل بعد احتفال تامر حسني بزفافها.. هالة عمر سبب خراب بيتي

شنت طليقة المطرب تامر حسني، المطربة المغربية المعتزلة، بسمة بوسيل، المسؤولة عن حسابات السوشيال ميديا الخاصة بطليقها تامر حسني.

 

وجاء هجوم طليقة تامر حسني على هالة عمر بالتزامن مع حفل زفاف الأخيرة الذي أحياه تامر حسني، وعاش فيه دور الأب معها، بعد أن وصفها بـ"ابنته الكبرى".

 

وقامت بسمة بوسيل بنشر الفيديو الخاص بالزفاف، الذي يظهر فيه تامر حسني وهالة عمر، وعلقت عليه قائلة "حسبي الله ونعم الوكيل فيك يا هالة"، وتابعت بوسيل حديثها: "احترام العشرة بيبتدي باحترام مشاعر غيرك.. بالذات لو حد كان سبب رئيسي في خراب بيتك.. وهدم حياة أولادك".

 

وكان تامر حسني، قد احتفل بزفاف هالة عمر، وظهر وهو يمسك بيد العروس ليسلمها لعريسها، معبرا عن سعادته وهو يلعب دور الأب، كما ألقى الضوء على لقائه الأول بهالة التي يعتبرها اليوم بمثابة ابنته الكبرى، كاشفا أن عريسها عمرو طلب يدها للزواج منها كون والديها توفاهما الله في سنة واحدة.

 

وأضاف تامر: "لكل اللي بيسأل عن إيه وجه القرابة بيني وبين العروسة الجميلة دي. أنا هحكيلكوا هي اسمها هالة عمر عرفتها، كانت بنت من الفانز، صغيرة ومن المقاتلين والمدافعين عن تامر على الإنترنت، ومن كتر دفاعها عني لفتت نظري ومرة رديت عليها شكرتها ولما سافرت إسكندرية في الوقت ده لقيت بنت صغيرة أوي بتعيط وبتجري عليا فوقفتلها وفكرتني بنفسها وفضلت تعيط وتقولي إحنا معاك ولازم تكمل عشان كنت بتحارب جداً في بداياتي، فاتصدمت إن اللي بتقول كده بنت صغيرة كده، والمجهود ده كله اللي عاملاه بنت صغيرة، عندها 14 سنة، وقتها كانت السوشال ميديا لسه بتطلع وكنا في شركتنا بندور على شركة كبيرة تمسكلي السوشيال ميديا".

 

وأوضح حسني، أنه أصر على أن تتسلم هالة صفحاته الخاصة عبر وسائل التواصل الاجتماعي، على الرغم من معارضة المقربين منه كون المهمة كانت تستلزم شخصا يتمتع بالكثير من الخبرة.

 

ومضى تامر حسني يقول: "أصريت على استلامها للمهمة وقلت لازم أكتر حد بيحبني هو اللي يمسكها وأنا واثق إن طاقة الحب مفعولها أقوى من طاقة المحترف بلا حب فعرضت عليها تشتغل معايا وهي في السن ده مصدقتش طبعاً ومن ساعتها وهي اللي ماسكة كل شغل الميديا، الطفلة الشاطرة اللي كبرت دلوقتي قدامكم هالة عمر".

 

وأكد تامر حسني، أن هالة اتحولت لابنته الكبرى، وهو من أخذ على عاتقه مهمة تسليمها لعريسها وحرص على الغناء في حفل زفافها.

 

وأنهى تامر حسني حديثه قائلا: "معرفتش أرد على كلامك عني في الفرح يا هالة رديت دلوقتي هنا ربنا، يكرمك ويسعدك مع جوزك الجميل المحترم اللي هيكون ضهرك وسندك ويكمل معاك مشوار حياتك مع أولادكم الجُمال بإذن الله".