أنا أصلًا مهندس ميكانيكا.. أحمد داود متحمس لأول برامجه "الكونتينر"

أبدى الممثل أحمد داود حماسة كبيرة لخوض تجربة جديدة كمقدم لبرنامج "الكونتينر" لأول مرة، ويستعرض من خلال البرنامج الثورة الصناعية التي أحدثتها مصر في الخمس سنوات الماضية.

وقال داود: "تجربة جديدة أول مره أعملها ..وعشان أنا أصلا مهندس ميكانيكا تحمست جدا من أول ما عرفت الفكرة .. ومكنتش مصدق كم المصانع اللي عندنا والتطور اللي حاصل فيها وكميه المنتاجات اللي بنصدرها .. حاجة فعلا لازم كل الناس تعرفها".

 

 

وتابع داود: "وأنا بصور البرنامج تحمست جدا للشغل والإنتاج عموما مهما كان مجال شغلك ايه .. وكمان زود عندي الأمل والتفائل .. اتمني يحصل كده مع كل اللي هيشوف البرنامج.. برنامج " الكونتينر " الموسم الأول منه قريبا جدا .. اتمني يعجبكوا ويبسطكوا ويديكوا شوية امل زي ما حصل معايا وانا بصوره .. وشكرا جدا لكل القائمين علي خروج البرنامج في أحسن صورة لحضراتكم".

ويتكون الموسم الأول من 16 حلقة ومن المقرر إطلاقه قريبًا على قناة ON، ويستعرض أحمد داود من خلال برنامج الكونتينر الثورة الصناعية التي أحدثتها مصر في الخمس سنوات الماضية، ويزور مصانع مصر في مختلف المحافظات ليرصد تطور صناعات الملابس، الجلود، الصناعات الغذائية، الأجهزة الكهربائية والصناعات الثقيلة والمكمّلة.

وعلى الصعيد الفني، ينتظر أحمد داود إطلاق فيلمه الأحدث "يوم 13" بدور العرض السينمائية قريبًا، وهو أول فيلم مصري يعرض بتقنية 3D في مصر والشرق الأوسط، ويشارك داود في بطولة الفيلم، النجوم دينا الشربيني، شريف منير، أروى جودة، وهو من تأليف وإخراج وائل عبدالله.