تسريب جديد لخيرت الشاطر وسخريته من المعزول في الحلقة الـ19 من "الاختيار 3"
أمنية فوزي
تضمنت أحداث الحلقة 19 من مسلسل “الاختيار 3” تسريب جديد لخيرت الشاطر، قائلًا " الدكتور عبدالمنعم الآن له موقف.. إحنا كجماعة واخدين قرار استراتيجي بألا يكون لنا مرشح في الرئاسة واحنا بنقول هذا الكلام من عدة اعتبارات، وهى إننا جزء من منظومة دولية فا ماينفعش أكرر مأساة غزة هنا وحماس وأن مدرك إن مشكلة مصر الآن، وأزمتها لا يمكن لأى فصيل أن يعرف يشيلها لازم الكل يحط أيده فى أيد بعض".
وتابع خيرت الشاطر في التسريب: "لو أنا جيت وفرضت نفسي وقولت هقدم مرشح للرئاسة وحشدت الناس وراحت انتخبته فأنا خلاص يعنى حفزت ضد كل اللى ممكن عايز يتحفز طب ما أنا أشتغل من ورا أو أشتغل بشكل جزئي لو الظروف سمحت وأحط إيدى فى إيدين الكل على الأقل على ما يجربني مرة أو اتنين ويصدق إن أنا مش هدفي الحكم .. عبدالمنعم أبو الفتوح ليه توجه أن هو عايز ينزل رئيس جمهورية".
كما شهدت الأحداث سخرية خيرت الشاطر من محمد مرسي عند تكليفه بعد أحداث مكتب الإرشاد بالمقطم حيث كلفه خيرت الشاطر، قائلًا، "سيادتك هتهيأ الجو إن الأحداث دى تحصل ومش هنسيب بتوع الإعلام وهتوجهلهم الاتهام بإنهم محرضين وممولين وعايزين الكلام ده يتقال بقوة ترهبهم وإنك مستعد تفعل القانون الجنائي ضدهم.. احنا هنكتب البيان بس يا ريت سيادتك ماتزعلش منى يعنى تلتزم بالنص المكتوب ونبعد عن الارتجال.. المصلحة واحدة مش أكتر".
وتضمنت أحداث الحلقة اجتماع خيرت الشاطر ومحمد مرسي وعصام حداد ومدير مكتب محمد مرسي بعد أحداث العنف التي قام بها أنصار الجماعة الإرهابية ضد المواطنين فى أحداث مكتب الإرشاد وتخطيطهم للقضاء على المعارضة من خلال هذه الأحداث من خلال تقديم الجماعة الإرهابية بالتنسيق مع المستشار طلعت عبد الله النائب العام، فى ذلك الوقت لفتح تحقيقات فى البلاغات التي قدمت ضد رموز المعارضة وجبهة الإنقاذ من الجماعة الإرهابية.
جوجل نيوز
