علا رشدي: هذا دور أحمد داود في تربية الأولاد

كشفت الفنانة علا رشدي عن دور زوجها الفنان أحمد داود في تحمل مسؤولية التربية والضغوط الاسرية مع الابناء قائلة: "بابا موجود ومكنش الاول متفرغ بشكل كبير ولكن كل لما الاولاد بتكبر زاد وجوده أكتر مع مواجهة المشكلات”  .

 

أضافت في لقاء مع برنامج "كلمة أخيرة" الذي تقدمه الاعلامية لميس الحديدي: "شاف دلوقتي أنو لازم يبقى معانا ويشارك في الحل بقيت بديله مهام  قبل كده مكنش بيحصل لكن دلوقتي بقى بياخد مهام لان الست بتغلط لما تشيل كل المهام لوحدها "

واصلت: "ما ينفعش اقول عندي طاقة لكل حاجة سيتعود الاب على ترك الامور كلها للأم وهيقلي إنتي شاطرة ".

وعن مهامه في الاسرة قالت: "بيودي تمارين وبيصحي الصبح معايا وبينيم بليل الاولاد سواء عندي حاجة أو ما عنديش في الاول كان مهامه على حسب وقتي لكن دلوقتي تحت اي ظرف بيعمل كده مش شرط يكون عندي حاجة عشان يقوم بالمسؤوليات أنا برضه محتاجة وقتي بقيت بعرف أقول لا ."

 

ووجهت رسالة للامهات قائلة: اعرفوا إزاي تقولوا لا لازم تدوا مهام للناس اللي حواليكم زوج أو أم أو اب أنتي مخلفتيش لوحدك لازم يشيل مسؤولية صحيح الام مسؤوليتها أكبر لكن الاب لازم يتواجد وجوزي دلوقتي بيتولى تعليم ولادي اللغة العربية .

وأتمت: "المسؤولية منقسمة الان 50% مناصفة بين الاب والام”.