كشف الممثل خالد النبوى أن سيناريو موقف والده من دخوله مجال التمثيل، تكرر بينه وبين نجله نور الذي شارك في رمضان الماضي بمسلسل الاختيار 2.

 

وفي التفاصيل، قال النبوي خلال لقائه في برنامج "مساء dmc"، الذي يقدمه رامي رضوان: "الأقدار عملت معايا اللى عملته مع أبويا، مكانش عايزنى أمثل، وأنا كمان ماكنتش عايز ابني يطلع ممثل، وسافر خارج مصر للدراسة وراح يشتغل في دار عرض سينمائي بالليل، وراح قدم لدراسة التمثيل في أمريكا وقبلوه".

 

وتابع: "أبويا رفض أمثل لكن جه اتفرج عليا في معهد الفنون المسرحية اطمأن، وده نفس اللى حصل لي مع نور، في مشهد استشهاد أحمد شوشة في مسلسل الاختيار، شفته اتطمنت".

 

كما سرد النبوي ذكرياته مع العيد حين كان طفلا قائلا: كنت لازم أروح لجدتي عشان آخد العيدية وإحنا في المنصورة، وكنت ألف على العيلة كلها، وأحب أنزل أطير الطيارة الورق، وممكن أروح السينما أتفرج على فيلم.

 

وتابع: "أبويا الله يرحمه كان بيودينا حديقة الحيوانات وكان شيء عظيم منه لأنني انبهرت، لذلك من المهم للأجيال الصغيرة أن نخلق لهم حالة من الدهشة.

 

وأضاف: "أنا مفتقد جدا أشتري هدوم جديدة في العيد، صحيح بشترى طوال السنة مع كل فيلم، لكن لبس العيد إحساس تاني خالص".

هذا الفيديو ربما يعجبك

تعرف على.. الفنانين المشاركين في الرحلة الذهبية للمومياوات الملكية