داليا البحيري: سمير غانم كان بيحبني وبيدلعني
محمد إسماعيل
قالت الفنانة داليا البحيري التي تشارك الفنان هاني رمزي بطولة مسرحية "أبو العربي"، إن العمل في المسرح يتطلب التزاما، مضيفة "لكني مررت بتجربة مذيعة وهي نفس الشيء والناس بتبقى إجازة وإحنا شغالين.. بالعكس لما بحس بقى في المسرح إني بفرح الناس في العيد بيبقى ليه طعم تاني".
ربما يعجبك
وأجابت داليا البحيري عن سؤال الإعلامية لميس الحديدي الذي وجهته لها قائلة: "هل تعتقدين أنك فنانة كوميدية؟"، قائلة: اي فنان ممكن يعمل "كوميديا الموقف" كون هذه النوعية من الكوميديا هي القادرة على إضحاك المشاهدين.. لو حطينا اي ممثل "تراجيديان" في "كوميديا الموقف" لازم يضحك والمثال على ذلك العظيم نجيب الريحاني وغيره من العظام، شريطة أن يكون الموقف مكتوبا بشكل جيد وبإيقاع متميز لازم يضحك".
وتابعت في لقاء خلال برنامج "كلمة أخيرة"، الذي تقدمه الاعلامية لميس الحديدي على شاشة "ON": مقارنة بذلك "الفارسير" مش أي حد يقدر يقول نكتة أو "إفيه" أو "يستظرف".
وأكملت: "أنا مش هعرف أستظرف أو أقول "إفيه" ممكن أفرش للفنان عشان يقول إفيه أو العكس وأنا مش "فارسيرة" مش هعرف "أهرأ" لكن فيه ناس لو قالت أي حاجة هتضحك الجمهور بطريقته ودي ليها ناسها ربنا مديهم موهبة في دي وأنا مش كده".
وذكرت أن ارتباطها بابنتها "قسمت" موجود لكنها الآن أصبحت في عمر 12 سنة ومتواجدة طول الوقت مع والدتها وسعيدة بتواجدها معها".
وحول وجود صورة للفنان الراحل سمير غانم في كل غرفة في ردهات المسرح الذي يحتضن العمل المسرحي قالت البحيري: "الراجل ده عظيم ألف رحمة ونور عليه كان عنده تصالح غريب مع نفسه ما بيعملش مشاكل خالص.. الصبح كنت أخبط عليه واقوله صباح الخير ألاقيه قاعد ببساطة وكان بيحط راديو بإريال وبيسمع محطات غنائية معينة وأحياناً ألاقيه بيسمع مهرجانات أو شعبان عبد الرحيم أو أغاني فرنساوي بيسمع كل حاجة قديم وجديد وإنجلش وفرنساوي".
وأكملت: "وكان بيحبني وبيدلعني وهفضل ممتنة ليه أنه قبل وجوده في مسلسل "يوميات زوجة مفروسة".
وحول تجربتها مع الزعيم عادل إمام في فيلم "السفارة في العمارة" ومسلسل "فلانتينو"، قالت: "أي فيلم لعادل إمام لو إتعاد هيتشاف مليون مرة والزعيم ده حدوتة لوحده وأنا كان لي الشرف لوقوفي أمامه مرتين في فيلم وعمل درامي وكنت هقف قدامه في حاجة تالتة بس ما حصلش نصيب وزعلت وقتها أوي وأنا بحبه وهو بيحبني جداً ولما تعرف على زوجي حبه أكتر مني بحبه على المستوى الشخصي والعائلي".
وواصلت: "عادل إمام لديه هيبة مش موجودة عند حد فأنا كنت أول مرة أقابله فيها عند عمرو عرفة في المكتب كنت بستخبى عشان مايشوفنيش عشان "هيبته" اللي بيبص في عينه بيحس انو بيبص في عين اسد" .
وكشفت أنها عند تلقيها مكالمة من عمرو عرفة يخبرها أن الزعيم طلب الاستعانة بها في فيلم عمارة يعقوبيان شعرت بفرحة غامرة حتى وصل "الاسكريبت لها" في الثانية صباحاً لكنها اصيبت باكتئاب اثناء قراءة "الاسكربت" قائلة: "فضلت أدور على دوري وقرأت "الاسكريبت كله" ومش لاقية الدور وصلت للمشهد 61 وأنا ماظهرتش ووصلت للنص ومش لاقية دوري.. ولما وصلت للمشهد اللي لقيته هيشلني على كتفه في المظاهرة انبسطت وقلت الحمد لله كفاية عليا الدور ده كده دخلت التاريخ".
جوجل نيوز
