زينة: نيللي كريم أكيد مقالتش كده

ردت الممثلة زينة على تصريح للفنانة نيللي كريم في برنامج "شيخ الحارة والجريئة"، بشأن تأخرها عن مواعيد التصوير.

 

وعبرت زينة عن استغرابها من تصريح نيللي كريم، وقالت خلال حوارها مع الإعلامي ربيع هنيدي في برنامج ET بالعربي: "طبعا مستحيل تكون قالت كده، حتقول كده ليه، أكيد إنت فهمت غلط. حتقول كده إزاي وهو أولا محصلش، وثانيا لو عاوزة تقول كده تقول في برنامج ولا تقولي أنا..مش حنطلع نتكلم على بعض في برامج، أكيد مش أخلاقها".

وأعربت زينة عن ترحيبها بتقديم ثنائيات على الشاشة، مثل الثنائية التي قدمتها مع نيللي كريم في مسلسل "لأعلى سعر"، وفيلم "واحد صفر"، وبسؤالها عن الثنائية التي ترغب في تقديمها قالت: "كل زمايلي مش حد معين. أي حد من زمايلي كويس وموهوب حيبقى إضافة ليا أو حبقى إضافة ليه، أو نعمل عمل كويس مع بعض، أو المخرج عاوزنا نكون مع بعض طبعا أهلا."

وأبدت زينة تحمسها لعرض مسرحية "كوكو شانيل" للفنانة شريهان، إذ قالت: "كلنا مستنيينه، ويا رب تعمل أعمال أكتر وأكتر وتعمل فوازير وأفلام. بس أهم حاجة عندنا نشوف الاستعراضات والحاجات المبهرة واللبس. إحنا كلنا إتربينا على فوازير شريهان ولبسها وشكلها وشعرها".