هاجر أحمد: أهلى كانوا رافضين التمثيل وكنت برمى ملابس التمثيل من البلكونة

قالت النجمة هاجر أحمد: إنها تحب الكتابة جدًا وطوال الوقت مهتمة بأن أتابع كل الافلام والمسلسلات من الثقافات المختلفة عننا مثل الافلام من باكستان وماليزيا وأفغانستان، وأيضًا بحب الافلام الغريبة والتاريخية. 

وتابعت هاجر خلال حلولها ضيفة على برنامج "حوار أون لاين" على إذاعة الشرق الاوسط، أنها لم تتخذ قرارًا أنها تنشر كتابتها، وأن معظم كتابتها قصص وروايات . 

وتابعت هاجر أن أكثر الاشياء التي تشعرها بالسعادة على السوشيال ميديا هى تعليقات الفانز، و لم بكون زعلانة أو متضايقة باخد عربيتى وأروح مكان أقعد فيه لوحدى وأشوف تعليقات الفانز اللى بتخرجنى من مود الزعل ده بسرعة وأقعد أرد عليهم، ومن أكثر الاشياء اللى بتألمنى على السوشيال ميديا الجرائم وتعذيب الاطفال وتعذيب الحيوانات . 

وأشارت هاجر أنه من الحاجات اللى بتضحكها اوى أخواتها وخناقتهم مع بعض كل واحدة فيهم متزوجة وليها دماغ وأفكار مختلفة، فلما بيتجمعوا يقلبو الدنيا، وأكثر شيء بكرهه انى ابقى فى شغل اوى اى مكان وشخص   يجيب سيرة حد أمامى، وأصعب موقف مر عليا فى حياتى هو وفاة والدى، و من المواقف الحلوه الكتير فى حياتى هى كل لحظة كنت بمضى فيها عقد عمل جديد بيسيب لى ذكره حلوة و بقعد اتكلم عنها . 

و اضافت هاجر ان اهلها فى بداية الامر رفضوا أنها تمثل، وكنت بروح أعمل أدوار من وراهم، وكنت أرمى هدومى من البلكونة على الارض وشنطة الهدوم علشان محدش ياخد باله منى وأنزل اجمع الهدوم تانى واخد تاكسى واروح التصوير، ولما يجى ميعاد عودة للمنزل أقول ليهم أنا خلاص لازم امشي . 

وأشارت هاجر الى أنها عادة ما تحكي أسرارها بنسبة ٣٠ ٪؜ فقط و باسورد حياتها مع أمها، ووجهت رسالة لجمهورها "كل سنة وأنتم طيبين وفى ظهرى دائما". 

يذاع برنامج " حوار اون لاين" في الساعة ٥:١٠ قبل الافطار يوميا باذاعة الشرق الاوسط، ويعاد في الساعة العاشرة صباح اليوم التالي.