بأغنيتين مش واحدة.. تامر حسني تريند رقم 1
محمد إسماعيل
احتفل النجم تامر حسني بتصدر التريند، بأغنيتين هما "قد الفراق"، و"طمعتيني"، معتبرا أنه نجح في 3 تحديات في مشواره الفني حققهما خلال الفترة الماضية.
ربما يعجبك
وقال تامر حسني: "نتيجه عظيمه الحمدلله تريندرقم ١وباغنيتين مش واحده و قبل التريند و ارقام المشاهدات الكبيره ، ردود افعالك المحترمه والله اجمل من اي شيء... فرحان اوي من قلبي اني واجهت و كسبت ٣ تحديات في مشواري الفتره دي".
وكشف المطرب الملقب بنجم الجيل، أن التحدي الأول هو: "إن جانب الأسماء الكبيره المحترمه اللي اشتغلت معاهم في البوماتي ، قدمت جيل مهم و شباب صغير سناً بس كبير الموهبه في البوم عيش بشوقك و خليك فولاذي من ملحنين و شعراء و موزعين و مصورين و النهارده اعمالهم تريند و الأكثر إستماع في الوطن العربي".
أما التحدي الثالث، فقال عنه: "بشكر شركة روتانا عشان صدقتني ومباعوش الألبوم حصري لشركه معينه تتحكم فيه بمزاجها رغم ان دا في خساير ماديه كبيره ليا و للشركه بس مش دايماً الماده هي المكسب الحقيقي انا فرحتي الكبيره في المكسب الأدبي و احترامنا المتبادل لبعض و دا عندي اهم شيء ، و لو كان تم الإصرار على بيع الألبوم من قبل الشركه كنت طبعاً هرفض التعاقد و لكن الشركه لها كل الإحترام وافقت بمنتهى الحب و التقدير".
وعن ثالث تحدي: "كان تحدي كبير و خطر ان البومي بعد اليوتيوب ينزل على ابليكيشن جديد مش معروف اوي للشرق الأوسط بس طبعاً هو ابليكيشن عالمي و له مكانته ،، اسمه ديزر .. و مايكونش على اشهر المنصات العربيه القديمه ، النهارده ديزر بألبوم خليك فولاذي اتعرف للعرب و المصريين و حققت عليه اعلى نسب استماع بالبومي كله و الحمدلله حققت مراكز عالميه متقدمه، شكراً استاذ سعيد إمام الأخ و الصديق المحترم مدير روتانا مصر اللي صدقني و قدم كل المستطاع عشان تكون النتيجه كدا زي ما انتوا شايفين.. شكراً استاذ سالم الهندي اللي صدقنا احنا الإتنين".
وتابع حسني: "بشكر المهندس الرائع بزياده أمير محروس على شغله المميز و وقته و قلبه اللي اشتغل بيه معايا بشكر الأساتذه الفنانين المحترمين جميع صناع الألبوم ، بشكر الوحوووووش الجامدين جميع افراد شركتي، شكراً لكل الجمهور الكريم المحترم اللي بيدي كل فنانه حقه كما يجب و على قد مجهوده".
جوجل نيوز
