عاجل
الجمعة 29 مارس 2024
رئيس مجلس الإدارة
هبة صادق
رئيس التحرير
أيمن عبد المجيد
اعلان we
البنك الاهلي

تعرف على موقف هنا الزاهد من مشادات أحمد فهمي وشيكابالا

دافعت الفنانة هنا الزاهد عن زوجها الممثل أحمد فهمي المعروف بانتمائه لجمهور النادي الأهلي، بعد التجاذبات بينه وبين قائد نادي الزمالك محمود عبدالرازق ‏شيكابالا.



 

 

وقالت هنا الزاهد: "بعيدا ان شهادتي في مجروحة لان الناس هتقول بقول الكلام ده عشان جوزها. انا لا بفهم في الكورة و لا بتفرج عليها بس بشوف قد ايه الانسان ده بيحب يكون عفوي و بينسى انه ممثل و بيتعامل مع كل الناس بكل زوق حتى في الشارع و في التصوير و في كل مكان و الناس اللي عرفاه عرفين ده كويس". 

وتضيف الزاهد بقولها: "انا عارفة انو الناس بتفضل تقول لا ده ممثل مينفعش يقول رأيه. بس للاسف الانسان ده بينسى و بيخسر من كتر م هو  اللي ف قلبه على لسانه و مش بيحب ينافق و لا بيرضي حد عشان يكسب جمهور زي م ناس كتير بتعمل كده". 

وأكملت هنا الزاهد قائلة: "لما بيكتب رأيه بيكتبوا على اكونت فيس بوك اللي في صحابه زيه زي اي حد اهلاوي بس للاسف بتطلع اخبار بالكلام اللي بيقولوا  عموما انا  عايزة اقولك انك قلبك طيب و عفوي بزيادة و بتقول اللي جواك من غير متحسبها عشان بتنسى انك ممثل اصلا بس الايام دي مينفعش تبقى كده للاسف . و اعمل اللي يريحك لانك انسان و احنا كده كده بنحبك جدا".

ومن جانبه، رد أحمد فهمي على زوجته هنا الزاهد قائلا: "انت اكتر واحدة عارفانى و معاشرانى .. بس والله انا خلاص مش فارقلى حاجة اصلا".

وكان أحمد فهمي قدم اعتذارا لـ ‏شيكابالا بعد تعرضه لسخرية وهجوم من بعض جمهور الأهلي‎، وكتب فهمي، عبر حسابه الشخصي بموقع "فيسبوك": "رغم خلافي ‏الشديد معه، ومفيش صلح لا من قريب ولا من بعيد بيني وبينه، لكن ‏موضوع الكلب والفيديو ده حاجة عنصرية جدا الصراحة ومنظر بشع، ‏إحنا جمهور كبير ومحترم وبنقول على الغلط غلط حتى لو طالع من ‏عندنا، الاعتذار عن اللقطة دي واجب، بعتذر لك.. لكن موقفي منك لن ‏يتغير"، حسب قوله‎.‎

لكن أحمد فهمي عاد وتراجع عن اعتذاره الذي قدمه لشيكابالا، معللا ذلك بصورة قديمة ‏نشرها شيكابالا على إنستجرام ، واعتبرها ‏الأخير مسيئة لجمهور الأهلي.   

تابع بوابة روزا اليوسف علي
جوجل نيوز