أوس أوس يرد على انتقادات صورته مع زوجته
محمد إسماعيل
رد الممثل محمد أسامة الشهير بـ(أوس أوس)، على الانتقادات التي طالته وزوجته بعد وفاة ابنه الرضيع ذي الـ 3 أشهر.
ربما يعجبك
وقال الممثل الذي اشتهر بعروض مسرح مصر مع النجم أشرف عبد الباقي: "أنا مش محتاج أبرر وأحكى أى حاجة عن حياتى والست اللى قلبى اخترها كنت ساعتها فى اول موسم لتياترو مصر كنا نتقاضى مرتبات مش ممكن تفتح بيت واول ما اتجوزت كنت اقعد فى بيت ايجار كمان انا بس هكتفى بالنقطتين دول علشان اصحاب العقول والنفوس المريضه يعرفوا ويبطلوا نغمه (الفلوس بتعمل اكتر من كده)".
وتابع الممثل الشهير بـ(أوس أوس)، في منشور عبر حسابه بموقع إنستجرام: "الفلوس ممكن تشترى سرير بس ماتشتريش النوم ! ومش انا بس دا اغلب المشاهير اللى بتحسدوهم على حياتهم دلوقتى ماتعرفش بدا من امتى واتبهدل ازاى ولولا وجود حد جنبه بيسنده ويدعمه ماكنش هيعرف يعدى من اى مشكله نفسيه او ماديه فى حياته".
وأضاف محمد أسامة: "ومش معنى انى بنزل اشتغل او بتصور وانا مبسوط ده معناه انى هموت من الفرحه بس دى مهنتى واجبى ناحيه جمهورى انى اخرجه من اى حزن هو فيه كل ده بعمله على حساب حزنى وجرحى ووجعى انا ..وفى الاخر بتشتم برضه ! انا بقول الكلام ده ولن اسمح باى تدخل فى حياتى الشخصيه مره اخرى سواء بالخير او بالشر او دخول اسم مراتى فى اى كلمه من كلام المرضى النفسيين".
واستكمل (أوس أوس) حديثه: "مراتى اللى اخوها متوفى و ابنها متوفى وماصدقت اول مره اخرجها نروح مناسبه ودمرتوها نفسيا تانى بكلامكم المريض..حسبى الله ونعم الوكيل فيكم.. حقك عليا ياست الكل.. سكت كتير وكنت بعدى لكن مفيش فايده.. كل واحد يركز فى حياته.. الطموح حلم مشروع عند كل الناس اسعى واتعب وكافح وربنا اللى بيكافئ مش البشر بدل ماتفضل تبُص فى حياه الناس".
محمد أسامة ممثل بدأ أداؤه لافتا لأنظار النقاد ووسائل الإعلام عبر شخصيات متعددة لعبها في مسرحيات "أين أشباحى" الاستعراضية و"حلو الكلام" التي شكل فيها ثنائيا كوميديا صارخا مع الفنان علي ربيع.
جوجل نيوز
