الإثنين 6 أبريل 2020
رئيس مجلس الإدارة
عبد الصادق الشوربجي
رئيس التحرير
أيمن عبد المجيد

حازم سمير: أعراض كورونا ظهرت وعزلت نفسي

خرج الممثل حازم سمير عن صمته، ليرد ويكشف حقيقة الأخبار المتداولة بشأن إصابته بفيروس كورونا بعد عودته من خارج البلاد.



 

 

 
 
 
 
 
 
 
 
 
 
 
 
 
 
 

A post shared by Hazem Samir (@hazemsamir.official) on

 

 

وبث حازم سمير مقطع فيديو عبر حسابه بموقع إنستجرام، قال فيه: "الحقيقة في اليومين اللي فاتوا عدد كبير من الأصدقاء كلموني عشان بيطمنوا عليا، بيقولولي إحنا سمعنا إنك عندك كورونا وبنكلمك عشان نطمن عليك ..أنا بشكر كل الناس اللي سألت عليا، كلكم أصحابي واخواتي، أنا قررت أعمل الفيديو دا عشان الأمور ما تاخدش أكبر من حجمها".

 

وأوضح حازم سمير حقيقة ما جرى، بقوله: "أنا كنت مسافر بره مصر، وبعد ما رجعت بحوالي 8 أيام ابتدت تظهر عليا أعراض دور برد، الأعراض دي في جزء كبير منها بيتوافق مع أعراض كورونا.

 

وأضاف: "وعشان أنا شخص موسوس، قررت أعزل نفسي بعيد عن مراتي وأولادي، مع طبعًا التعقيمات وبلبس جاونتي، حماية للولاد ولزوجتي، واتصلت باكتر من دكتور وقالولي لازم أعمل إشاعة معينة على الصدر عشان يطمنوا إن ما فيش حاجة في الصدر".

 

وتابع سمير: "وبالفعل عملت الإشاعة والدكتور قالي لازم نلتزم بتعليمات وزارة الصحة، بما أن الأعراض دي في تشابهات مع فيروس كورونا، فالأفضل إنك تعزل نفسك لمدة 14 يومًا، وقاية لأهلك، وبالفعل فضلت جوه العزل، مع التزامي بالعلاج، والحمد لله دلوقتي ما عنديش حرارة، وحالتي بقت أحسن، وفاضلي كام يوم والمدة تخلص، وأنا ما عملتش تحليل يقول إني سلبي أو إيجابي".

 

وأنهى حديث بقوله: "كل المطلوب مننا إننا نلتزم بالتعليمات، والتوجيهات، عشان نعدي الأزمة، وأنا فخور جدًا بحكومتنا بتعاملها مع الأزمة، الحمد لله الأمور تحت السيطرة، والوقت ده مش وقت إشاعات، وخليكوا في البيت، ولو سمحتوا اللي يظهر عليه أي أعراض يعزل نفسه".