عاجل.. الزمالك يوافق على عرض كهربا وانفراجة لحل الأزمة

أعلن الإعلامي أحمد حسام ميدو، عن موافقة الزمالك، على عرض محمود عبد المنعم كهربا لاعب النادي الأهلي، لحل أزمته مع النادي.

أكد ميدو على انتهاء أزمة كهربا، بشأن الغرامة الموقعة عليه لصالح الزمالك.

وقال ميدو في تصريحات تليفزيونية عبر برنامج الريمونتادا: "محامي كهربا تواصل مع محامي نادي الزمالك أمس، وأبلغه بأن كهربا مستعد لدفع الغرامة الموقعة عليه كاش بدون الفوائد، وفي فرق 300 ألف دولار بس".

وأضاف: "مسؤولو الزمالك موافقون على العرض أو بيتجهوا للموافقة، عشان عدم الموافقة هيخلوا الفلوس تيجي بعد 6 أو 7 شهور، والموقف مفيهوش عناد، إنت بتعمل لمصلحة المكان اللي أنت شغال فيه".

وتابع: "كهربا دفع فلوس الاستئناف النهارده اللي هي الألف فرانك سويسري ولكن بعد يوم 20 أكتوبر أزمة كهربا هتنتهي تمامًا، المجلس المنتخب اللي جاي هيقبل العرض اللي هو بـ 2 مليون دولار و100 في مقابل إن الزمالك يحصل على الأموال دلوقتي، خاصة أن اللجنة المعينة لإدارة نادي الزمالك قررت تأجيل حسم هذا الملف للمجلس المنتخب".

واختتم: "الزمالك في حاجة للفلوس دي دلوقتي، وأزمة كهربا خلاص خلصت".