15 رسالة من الرئيس السيسي أثناء افتتاح محطة تحيا مصر بميناء الإسكندرية

افتتح الرئيس عبدالفتاح السيسي، محطة تحيا مصر متعددة الأغراض بميناء الإسكندرية،  اليوم الخميس، ورفع العلم المصري على سفينة وادي الملوك بميناء الإسكندرية.

 

وخلال كلمته أثناء الافتتاح بعث الرئيس بعدد من الرسائل المهمة جاءت كالتالي:

 

1.    إحنا قلنا لكل الناس إحنا هنعمل حاجتنا ونطرحها تيجي تشغلها، وندي الفرصة للجميع".

2.    الموانئ لم تشهد تطويرا مدة 25 عاما وعلشان الدولة تاخد مكانها لابد من بذل جهد وتخطيط وتنفيذ وأرقام كبيرة جدا.

3.    تطوير الموانئ يحتاج أموالا طائلة للاستفادة من موقعنا

4.    المسار الذي تسلكه الدولة على مدار 25 عاما، كان مسارا جيدا، لكن من الممكن أن يكون فيه هناك أكثر من ذلك

5.    كنا عاوزين نستفيد من موقعنا الجغرافي اللى هو على محور شريان رئيسي للتجارة العالمية يمثل 12 - 13 % من التجارة العالمية.

6.    إحنا بدأنا نعمل حاجة مش في ظروف عادية خالص، وخاصة ميناء دمياط وحجم قضايا التحكيم اللي دخلنا فيها نتيجة أحداث 2011.

7.    بقول للمستثمرين أنتو بتحطوا إيديكم في إيدين دولة بتكافح علشان تحط نفسها على خريطة الدنيا.

8.    أنا لما بكلمكم كده يا مصريين علشان تعرفوا يعني إيه دولة، والدولة مش أكل وشرب، الدولة حاجة تانية خالص.

9.    المنطقة اللوجستية الصناعية فى ظهير ميناء الإسكندرية، ستشهد بعض الصناعات للمواطنين وللشركات.

10.    علشان تصنع الأمل لازم تبني كتير جدا، مش تبني طريق زي ما الناس كلها فاكرة إننا بنعمل طريق.

11.    خصصنا لوزارة النقل 2 تريليون.. 2000 مليار جنيه، حد يقولي على مدى الـ30 سنة اللي فاتوا وزارة النقل خدت كام.

12.    الرئيس قاعد واخد باله إن الفساد اللي اتعمل لا يمكن يسيبه..واللي خد الأرض جوه الميناء لا يمكن يسيبه.

13.    اللي عايز يبني بلد مابيخافش أبدا إلا من ربنا سبحانه وتعالى اللي هيحاسبه، علشان فيه كتير يقولك الطريق ده بتعمله ليه 

14.    المستقبل بتاع البلد دي لو ماكنش فيه بنية أساسية تليق بدولة يبقى أنتو مش بتعمل مستقبل خالص.

15.    تطوير ميناء الإسكندرية خطوة من ألف خطوة والدولة قامت بإعادة ضبط أمور ميناء الإسكندرية بشكل جيد