أحمد التهامي لـ تامر حسني: سكت عن حقي كتير ومشروع عمري اتسرق

أبدى الفنان أحمد التهامي غضبه الشديد من فيلم تامر حسني الجديد "تاج"، واعتبر التهامي أن الفيلم من فكرته وتم سرقته.

وقال التهامي في منشور عبر حسابه بموقع فيسبوك: "أنا سكت كتير عن حقي عشان ما زعلش حد مني، اتشالت من أدوار كتير وقولت مش مهم ولحد دلوقتي مش واخد حقي الفني والأدبي والمادي اللي يليق بمجهودي وتعبي في مشواري الفني، وقولت كل شيء نصيب والحمدلله على حب الناس والدنيا مستورة والحمدلله".

 

 

وتابع التهامي غاضبا: "إنما توصل إن مشروعي، مشروع عمري، اللي أنا تعبت فيه في كتابته ولفيت بيه على معظم شركات الإنتاج ولسه عندي يقين وإيمان بالله إنه هييجي يوم وأعمله يتسرق مني ويعمله حد تاني بغض النظر ده فيلمي ومشروعي، وأنا أول واحد من ١٠ سنين فكرت في فكرة البطل الخارق، وطول الفترة دي كان يتسرق اجزاء من الفيلم وأقول عادي..... إنما (التوائم الخارق) ده بتاعي ومسجله في المصنفات والشهر العقاري".

 

وأنهى التهامي حديثه قائلا: "تامر حسني صاحبي وأخويا وأكيد ميعرفش المعلومة دي.. أرجو الرسالة توصله لأن أكيد في ناس كتير مؤذية وحسبي الله ونعم الوكيل.. أنا حاولت أوصل لتامر حسني ومعرفتش".