تعرّف على نصيحة سمية الخشاب في عيد الحب

لم تفوت الممثلة سمية الخشاب الاحتفال بعيد الحب ولكن على طريقتها الخاصة، إذ رأت أن الطعام هو الطريقة المثلى للتعبير عن الحب.

 

ونشرت سمية الخشاب لجمهورها عبر السوشيال ميديا، صورة لها بقميص نوم أحمر، مرفقة إياها بتعليق تعايد فيه محبيها: "هابي فالانتاين يا حبايبي عملتلكم صينية أكل هتاكلوا صوابعكم وراها، حبوا الأكل وحبوا نفسكم هو ده اللي بينفع".

كما شاركت الخشاب في مداخلة هاتفية ببرنامج "الستات"، تطرقت فيها للحديث عن الفيلم الشهير "تيتانيك"، تزامنا مع إعادة عرضه بتقنية الـ3D، مشيرة إلى أنها في كل مرة تشاهده تبكي وتتأثر باعتباره قصة حقيقية حول التضحية من أجل الحب.

وفي ردها على سؤال ما إذا كانت تعتبر نفسها عقلانية أم رومانسية، قالت الخشاب إنها "عقلانية رومانسية"، حيث يعمل عقلها في الوقت المناسب، وأضافت: "أنا عقلانية رومانسية وعقلي بيشتغل في الوقت المناسب، ولما أحس أن عقلي لازم يتدخل بخليه يتدخل وبصدقه وبضرب له تعظيم سلام، والحمد لله عقلي تدخل كتير علشان كده أنا لسه باقية على قيد الحياة، وده بعد النضج والخبرات لأني ما كنتش كده".

وحول رأيها في عيد الحب، قال سمية إنها لا تؤمن بهذا اليوم، قائلة: "مش بعترف بيوم الحب وأنه يكون فيه يوم معين للحب؛ لأن اللي بيحب حد بيحبه طول الوقت ويهتم به طول الوقت ولما يلاقي حاجة حلوة يشتريها له ووقتها الهدية هيبقى ليها طعم أحلى كتير لأن الستات بيحبوا الهدايا".

واعتبرت الخشاب أن الحب لا يقتصر بين الرجل والمرأة، فعلى المرء أن يحب نفسه ويقدرها ويسعدها، كاشفة أن أفضل هدية قد تمنح لها هي بيجامة نوم، أو زجاجة عطر، أو أي شيء هي بحاجته.

وحرصت سمية على توجيه نصيحة للسيدات، ناصحة إياهن بحب أنفسهن، مضيفة: "حبي نفسك وادلعي وانبسطي، لما تعرفي باس وورد جوزك مش هيفيد بحاجة، لو عاوز يعمل حاجة هيعملها، ليه بتشغلي نفسك الحب مش بيجي كده، أنتِ كده بتضيعي طاقتك وتتعسي نفسك ويجي لك سكر وضغط وتتخني، اتفرجي على فيلم جميل، اعملي ماسك اهتمي بجمالك وحالتك النفسية، وأخرجي ما تستنيش واحدة صاحبتك واشتري حاجات واخترعي حاجات تبسط اعملي طابخة حلوة، أنا بحب نفسي وادلعها وممتنة لربنا، وبعمل ماسكات"، كما نصحتهن بتبني القطط، لمقدرتها على طرد الطاقة السلبية من المنزل.

كما لم تمانع الخشاب من توجيه نصيحة للرجال وهي الزواج في سن الأربعين حتى يكونوا أكثر استقرارا ماليا: "اتجوز وأنت عندك 40 سنة عشان تكون عملت فلوس كويسة وتعيش أولادك بمستوى كويس، هتتجوز بدري هتخلف 4 أو 3 ويطلعوا صايعين ويبقوا عالة على المجتمع".