موعد عرض برنامج أبلة فاهيتا.. ويسرا تعيده إلى التريند
محمد إسماعيل
يترقب العديد من متابعي برنامج أبلة فاهيتا، الذي يتابعه جمهور كبير، مواعيد عرض برنامجها الجديد التي تعود للظهور به من جديد على قناة أون لايف.
ربما يعجبك
برنامج أبلة فاهيتا 2020
مواعيد برنامج أبلة فاهيتا 2020 وانطلق الموسم الجديد من برنامج أبلة فاهيتا 2020 الخميس 29 أكتوبر 2020 ويتواصل عرضه أسبوعيا كل يوم خميس وجمعة في الساعة الحادية عشر مساء، ويعتبر برنامج أبلة فاهيتا من أشهر البرامج في مصر والوطن العربي والذي تقدمه شخصية دمية تدعى أبلة فاهيتا وتستضيف العديد من الفنانين والمشاهير.
تفاصيل أحدث حلقات البرنامج كانت الفنانة يسرا ضيفة حلقة هذا الأسبوع من برنامج أبلة فاهيتا 2020 وتسببت تصريحاتها في إعادة البرنامج إلى تصدر التريند من جديد، ونرصد لكم أبرز ما قالته يسرا في البرنامج، حيث أكدت أن اسمها “سيفين” وهو اسم يعني الوردة التي لا تموت أو لا تذبل، وأنها برج الحوت، وأضافت: "اتعلمت وأنا صغيرة إني لما ألاقي حد أكبر مني أقوم وأسيبله المكان بتاعي، وأول مرة قلبي دق كنت في المدرسة قلت ابتدي بدري، وكنا بنتقابل في المدرسة".
وتابعت يسرا: "بحب السهر وأخرج وأشوف أصحابي، وجوزي ملهوش علاقة بالخروج خالص، لكن بيستناني حتى لو التصوير طول للفجر أو للصبح.. وبخاف على جوزي من الحسد لأنه ملهوش زي، أنا حتى خايفة أحسد نفسي عليه، وربنا يخليه ليا. وكنت أعرف جوزي من وإحنا عيال صغيرة عندنا 7 سنين، وبعدين اختفى وأنا اختفيت، وهو سافر بره وعاش 20 سنة واتجوز وطلق ورجع، وأنا قفشته بقى واتجوزنا بقالنا 25 سنة.. وكان نفسي أتجوز براد بيت، ولو اتقدملي مكونتش هرفضه، بس أنا منكرش إن أحسن حاجة حصلتلي إن زوجي خالد سليم اتقدملي لإني بحبه جامد أوي".
اقرأ ايضا
بداية مواجهة الجن واشتعال أحداث الحلقة 11 من "جمال الحريم"
وأردفت: "أعرف فاتن حمامة، وكنت لما بحتاج نصيحة بكلمها وعمرها ما بخلت عليا، وكنت لما باخد رأيها عمرها ما تقول الحل ولكنها بتفتح سكة تكملي انتي بيها بطريقتك.. وفاتن حمامة كان لها لقاء قديم بيسألوها، اتعلمتي إنجليزي وفرنساوي منين؟.. وقالتلهم من الراديو، رغم إنها كانت في مدارس عربي".
وتضيف يسرا: "كنت مع شادية في فيلم (لا تسألنى من أنا)، وضربتني قلم طيرت وشي وراح مني الكلام، ومعرفتش أنطق رغم إن إيدها صغيرة، وكانت مسمياني غروم.. وأكتر فيلم تسبب في شهرتي كان (ليلة شتاء دافئة) مع عادل إمام وعمل نجاح ساحق وقعد 36 أسبوع كومبليت، وكان بيتعمل حفلات منتصف الليل.. وبعترف إني نجحت من خلال عادل إمام، وعمري ما نكرت الكلام ده، وبحب شكلي في أفلام كتيرة زي (الإرهاب والكباب وطيور الظلام ودانتيلا والوردة الحمرا وشربات لوز".
وأكملت يسرا: "أكتر مشهد عدناه كان في فيلم (الإنس والجن) لما عادل إمام بيقولي هاسخطك، وفجأة فضلنا نضحك، وكانت أمينة رزق المفروض تتدخل بعد كلام هيتقال وبسبب إنها مسمعتش الكلام ده، فضلت واقفة كتير على الباب وقالتلنا سايبني كل ده واقفة بقالي ٣ ساعات، وبتتضحكوا.. إيه قلة الأدب دي.. وعادل إمام بيخلي كل اللي حواليه مبسوطين سواء طولنا في التصوير أو لأ، وكل الأجواء بتكون حب وهزار وبياخد رأي كل الناس ويسأل على المشهد حلو ولا وحش".
جوجل نيوز
