السيدة انتصار تكشف نصيحة والدة الرئيس السيسي لها قبل الزواج

قالت السيدة انتصار السيسي، إن والدة الرئيس وجهت لها ولجميع زوجات وأخوات الرئيس السيسي، نصيحة عامة، مشيرة إلى أنهم كانوا يقيمون جميعًا في منزل واحد في بداية الزواج.

 

وفي حوارها مع الإعلامية إسعاد يونس، قالت السيدة انتصار، إن والدة الرئيس اجتمعت بكل رجال وسيدات المنزل، وقالت: "جابتنا وجمعتنا ودي حاجة بحب أقولها، قالتلنا: إنتو يا ولاد لازم تبقوا عارفين إيه اللي ينجح البيت ده، كل بيت ليه خصوصية، وكل واحدة عارفة إيه الكلام اللي ينفع تقوله، وإيه اللي متقولوش، كل واحدة ليها حرية شخصية تخرج مع زوجها، ومش شرط تقول، كلكم حبايبي وولادي، سواء البنات أو الأزواج".

 

وتابعت قائلة: "لو الولاد طلعوا أن طبيعة كل بيت زي التاني هيطلع عندهم توازن، وهيتعلموا الصح والغلط هيبقى موجود في كل بيت هيخليهم يطلعوا بيحبوا بعض، وعارفين إيه الحلال من الحرام".

 

وعن نصيحة والدة السيدة انتصار السيسي لها قبل الزواج، قالت السيدة انتصار: "والدتي قالتلي مش عايزة أقولك على حاجة لأنك متربية صح وطبيعتك هتتألف على طبيعة أي حد، وإنتي داخلة على أسرة تعتبر أسرتنا لأن طبيعتهم زينا، ومش هتلاقي غربة في أي تصرف وفعلا إحنا نجحنا إننا كأسرة واحدة، أمنية حياتنا إننا نبقى مع بعض".