طلاب إعلام جامعة 6 أكتوبر يطلقون حملة "جرينيو" للتوعية بالأعمال الخضراء

أطلق طلاب إعلام جامعة 6 أكتوبر  حملة "جرينيو" للتوعية بالأعمال الخضراء.

 

تهدف الحملة إلى توعية الشباب ونشر ثقافة شراء منتجات صديقة للبيئة وتعزيز المنتجات الخضراء ورفع مستوى الوعى بجودتها وأهميتها وأنها بديل ذو جودة وقيمة يساعد في المساهمة على الحفاظ على البيئة، وتعزيز وعي الجمهور بأنهم قادرون على إنشاء مشاريع ومنتجات مبتكرة وجديدة من موارد صديقة للبيئة وعضوية يمكن الحصول عليها بسهولة تساعدهم في الربح.

 

كما أن المشروع يأتي تحت إشراف كل من؛ الدكتورة آمال كمال طه عميدة كلية الإعلام وفنون الاتصالات جامعة ٦ أكتوبر، الدكتورة إيمان زهرة وكيل كلية الإعلام وفنون الاتصال بجامعة ٦ أكتوبر لشؤون خدمة المجتمع وتنمية البيئة، وآية مفتاح، وساره نبيل المعيدين بالقسم.

 

كما تركز الحملة أيضاً على التوجه للشركات الصغيرة والمتوسطة وتشجيعهم وتوعيتهم على إنشاء منتجات صديقة للبيئة وعضوية خالية من المواد الكيميائية الضارة لأن هذا يساعد على تحقيق الاستدامة وإنشاء مجتمع وبيئة نظيفة .

 

أهداف التنمية المستدامة التي تركز عليها الحملة هي: الهدف رقم ٣ الصحة الجيدة والرفاه، والهدف رقم ٩ الصناعة والابتكار، والهدف رقم ١١ مدن ومجتمعات محلية مستدامة، والهدف رقم ١٢ الإنتاج والاستهلاك المستدام، الهدف رقم ١٣ العمل المناخي، والهدف رقم ١٦ السلام والعدل والمؤسسات القوية، والهدف رقم ١٧ عقد الشراكات لتحقيق الأهداف.

 

علق الطلاب على سبب اختيارهم للمشروع: ومن أهم الأسباب الرئيسية اللي خلتنا نختار مجال الأعمال الخضراء هو إننا شفنا بعيننا الأثر السلبي اللي بيعمله التلوث واستهلاك الموارد بشكل مفرط على بيئتنا كل يوم ،بنسمع عن كوارث طبيعية وتغيرات مناخية خطيرة، وده خلانا نفكر إن لازم يكون في تغيير جذري في الطريقة اللي بندير بيها أعمالنا.

 

اضافوا معلقين: الجرين بيزنس مش بس هيساعد في حماية البيئة، ده كمان هيوفر فرص عمل جديدة ونساعد في بناء اقتصاد مستدام وده السبب اللي خلانا نختار نكون جزءا من الحل، مش جزء من المشكلة وكمان واحد من الأهداف الأساسية لمشروع الأعمال الخضراء بتاعنا هو توعية رجال الأعمال والشباب الطموح اللي عايز يبدأ بيزنس خاص بيه.

 

وقالوا إن "الفكرة مش بس إننا نكسب فلوس، لكن كمان إزاي نعمل كده بطريقة مسؤولة وصحية للبيئة عايزين نستخدم مواد وخامات طبيعية صديقة للبيئة في إنتاجنا، بحيث يكون العمل مربح لصاحبه وفي نفس الوقت مفيد ومش مضر للبيئة الهدف هو إننا نعمل بيزنس يقوم على المنفعة المتبادلة، يعني الكل يكسب منه، سواء كان صاحب العمل أو الطبيعة".

 

كما أن المشكلة اللي واجهتنا في مشروع الجرين بيزنس هو إن مجالات العمل الخضراء كتيرة جدًا، وده بيخلي الحملات التوعوية تحتاج لمجهود وتركيز أكبر ،خصوصًا إن الوعي بالموضوع ده لسه مش منتشر بالشكل الكافي عشان كده، كنا مضطرين نختار عدد محدود من المجالات نركز عليها في حملتنا التوعوية ، على الرغم من إننا كنا نتمنى نغطي أكتر من كده.

 

من ضمن الحاجات اللي عملناها، هي مقابلات مع شركات بتشتغل في الجرين بيزنس عشان يحكولنا عن تجربتهم ويشاركوا رحلتهم مع الشباب كجزء من توعية الناس وكمان شاركنا في فعاليات مبادرة 'إيادي مصرية' التابعة لجامعة ٦ أكتوبر، وده ساعدنا نوصل لناس أكتر ونخليهم يفهموا ويقدروا قيمة الشغل اللي بيحافظ على البيئة.

 

أملنا إننا نشوف بلدنا بتكبر بينا وبايدينا وبمنتجاتنا المصرية، بالأيادي المصرية، نأمل أن مشروعنا يحقق هدفه ويصل لكل الشباب والأيادي المصرية في جميع أنحاء الجمهوريه بكل محافظتها ونحقق الهدف المطلوب وهو تعزيز المنتجات الخضراء صديقة البيئة والصعود بالمنتجات المصرية إلى أعلى مكانة.