ياسمين وافي: أحمد زكي وممدوح وافي عاشا معًا في شقة المغتربين واشتركا في قبر واحد

قالت الفنانة ياسيمن وافي عن علاقة والدها ممدوح وافي مع الفنان احمد زكى، أنهما كانا أجيال مختلفة فى المعهد وعمو احمد زكى كان أكبر منه، لان والدى درس بكالوريوس تجارة قبل المعهد وأتعين معيد بالمعهد سنتين، وكانوا مع بعض فى شقة المغتربين.

وأضافت ياسيمن خلال لقائها مع الإعلامى دكتور عمرو الليثى بيرنامجه واحد من الناس على شاشة الحياة، وكان الفنان احمد زكى كان يصر علي أن ياخده معاه فى كل الاعمال.

وتابعت أن احمد زكى أصيب بالسرطان، وبعدها والدى، وكان بيتغلب على محنة المرض بالضحك كان بيقول مش هنسميه سرطان هنسميه سوسو، وتم اكتشافه بالصدفة، وكان أحمد زكى بيجري تحاليل للسرطان وكان خايف منها وعلشان يشجعه قال له أنا هعملها معاك ودخل فعلا عملها معاه، وفوجئ بالدكتور بيكلمه بيقوله تعالى لى بكره، وقال ليه انت كمان عندك سرطان بنكرياس، وكانت صدمة ولكنه أخفي الخبر عن أحمد زكى علشان نفسيته ما تدمرش، وأحمد زكي طلب منه يشترى ليهم مقبرة.

وتابعت أن الفنان أحمد زكى كان بيقول لى انا أخو ابوكى وانهار عندما علم بوفاة والدى ووالدى مات اثناء إجراء عملية، وهانى اخويا كان خايف يبلغه، واحنا فى المستشفى فوجئنا بعمو احمد زكى بيكلمه وبيقوله خلاص ممدوح مشي، زى ما عشنا مع بعض هنموت مع بعض ، ودفن فى مقبرة احمد زكى، واتفتحت ليه و هو اول واحد ينزل فيها و الفرق بين وفاتهم ٥ شهور .

وعقب الليثى أنه كان من الناس اللى نزلو مع جثمان احمد زكى فى المقبرة، ووضعنا جثمانه بجوار جثمان والدك ربنا يرحمهم الاثنين .

وتابعت ياسمين أنها تحب فيلم البيضة والحجر وهو الاقرب لعلاقتهم فى الحقيقة و افلام سواق الهانم، وهناك مشهد لهم فى فيلم الباشا لا ينسي و هما بينطوا مع بعض فوق كوبري عباس وكانوا مفهمين ان هناك دوبليرات، لكن الفنان احمد زكى كان متفق مع المخرج طارق العريان انهم هيعملوا المشهد من غير دولبيرات، ووالدى لما شاف مراتب تحت خياله، علم انه لا بوجد دوبلير وزعل ساعتها من احمد زكى لانه وقع على رجله ما عرفش يعود الي المسرح.